ރަހީނުކޮށްފައިތިބި އިޒްރާއިލު މީހުންގެ ޢާއިލާ މެމްބަރުން ނަތަންޔާހޫ ދެމުންދިޔަ ޚިޠާބަކަށް ހުރަސްއަޅައިފި!

ފަލަސްޠީނުގެ މިނިވަންކަމަށްޓަކައި ޖިހާދުކުރަމުންދާ ޖަމާޢަތުން ރަހީނުކޮށްފައިވާ އިޒްރާއިލަށް ނިސްބަތްވާ މީހުންގެ ޢާއިލާގެ މެމްބަރުން އިޒްރާއިލްގް ބޮޑުވަޒީރު ބެންޖަމިން ނަތަންޔާހޫ ޚިޠާބެއް ދެމުންދަނިކޮށް އެޚިޠާބަށް ހުރަސްއަޅައިފިއެވެ. 

ނަތަންޔާހޫ އެޚިޠަބަކީ 7 އޮކްޓޯބަރު 2023 ގައި މަރުވި އިޒްރާއިލްގެ މީހުންގެ ހަނދާނުގައި ބޭއްވި ރަސްމިއްޔާތުގައި ނަތަންޔާހޫ އިއްވި ޚިޠާބެކެވެ. 

ޤުދުސް ގައި ބޭއްވި ރަސްމިއްޔާތުިގައި ނަތަންޔާހޫ ވާހަކަދައްކަމުން ދަނިކޮށް އެވާހަކައަށް ހުރަސްއަޅައި ރަޙީނުންގެ ޢާއިލާގެ މެމްބަރުންވަނީ އެވާހަކަތައް ހުއްޓުވައިފައެވެ. 

މިރަސްމިއްޔާތުގެ ތެރޭގައި ނަތްންޔާހޫގެ ވާހަކަތަކަށް އެމީހުން ހުރަސްއެޅުމުން ނަތަންޔާހޫ ހަރަކާތެއް ނެތި ހުއްޓުން އަރައިއެތައް އިރެއްވަންދެން ހުރެފައިވާ ކަމަށް ބުނެފައިވެއެވެ. 

އެރަސްމިއްޔާތުގެ ތެރޭގައި ކުރިއަށް ދިޔަ ހަޅުތާލުގެ ބައިވެރިންގެ ތެރެއިން އެކަކު ތަކުރާރުކޮށް ގޮވަމުން ދިޔައީ އޭނާގެ ބައްޕަ މަރައިލައިފައިވަ ކަމަށެވެ.

 މި މަހުގެ ކުރީކޮޅު ހަމާސްގެ ލީޑަރު ޔަޙްޔާ ސިންވާރު ޝަހީދުކޮށްލުމުން ހުޅަނގުގެ ބައެއް ލީޑަރުންނާއެކު ރަޙީނުންގެ އާއިލާތަކުން ވަނީ ހަނގުރާމަ ހުއްޓާލުމުގެ އެއްބަސްވުމެއް އެކުލަވައިލުމަށް އިޒްރާއިލަށް ގޮވައިލައިފައެވެ. 

 އިޒްރާއިލަށް ފާޑުކިޔާ މީހުން ވަނީ ނަތަންޔާހޫ ހަނގުރާމަ ހުއްޓާލުމާއި އަސީރުން ދޫކޮށްލުމުގެ އެއްބަސްވުމަކަށް ހުރަސް އަޅާ ކަމަށް ތުހުމަތުކޮށްފަ އެވެ.