އޮޅުން އަރާ ކަންކަން އޮޅުން ފިލުވައިދިނުމަށް "އިމިގްރޭޝަން އިންސައިޓްސް" ޕްރޮގްރާމް އިފްތިތާޙުކޮށްފި

އިމިގްރޭޝަންގެ ޚިދުމަތްތައް ހޯދުމުގައި އާންމުކޮށް އޮޅުންއަރާ ކަންކަން އޮޅުންފިލުވައިދިނުމުގެ މަޤުސަދުގައި، "އިމިގްރޭޝަން އިންސައިޓްސް" ޕްރޮގްރާމް ރޭ އިފްތިތާޙުކޮށްފިއެވެ.

މޯލްޑިވްސް އިމިގްރޭޝަނުގެ މި ޕްރޮގްރާމް އިފްތިތާޙުކޮށްދެއްވީ، ރޭ އޮތް ޚާއްޞަ ޖަލްސާއެއްގައި ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އޮނަރަބަލް ޢަލީ އިޙްސާންއެވެ.

މި ޕްރޮގްރާމްގެ މަޤްސަދަކީ އިމިގްރޭޝަންގެ ޚިދުމަތްތަކުގެ ތެރެއިން އެންމެ ގިނައިން އޮޅުންއަރާ ކަންތައްތައް ސާފުކޮށްދިނުމާއި، އެންމެ ފަހުގެ މަޢުލޫމާތުތައް ތަފްސީލާއެކު އާންމުންނަށް ފޯރުކޮށްދިނުން.

އިމިގްރޭޝަނުން ޙިއްސާކުރި ޕޯސްޓުގައި ވެއެވެ.

މީގެ އިތުރުން، މި މަހުން ފެށިގެން މި ޕްރޮގްރާމް ކުރިޔަށް ގެންދާނެކަމަށް އިމިގްރޭޝަނުން ވަނީ ހާމަކޮށްފައެވެ.

އިމިގްރޭޝަންގެ އޮފިސަރުންނާ ގުޅުންހުރި ކަންކަމަށް ޚާއްޞަކޮށް ރޭ ބޭއްވި ޖަލްސާގައި، "އެމްޕަވަރިން އޯލް އެންޑް އަ ކަސްޓަމަރ ސަރވިސް ސްޓްރަޓެޖިސްޓް"، އަލްފާޟިލް މަސްއޫދު ޢަލީގެ ސެޝަނެއް ވެސް ކުރިޔަށްދިޔައެވެ. މި ސެޝަންގައި މަސްއޫދު އަލިއަޅުވާލެއްވީ ޚިދުމަތްތަކުގެ ފެންވަރު ރަގަޅުކުރާނެ ގޮތްތަކަށެވެ. މިއީ އެ އިދާރާގެ ޚިދުމަތްތަކުގެ ފެންވަރު ރަގަޅުކުރުމުގެ ގޮތުން މިހާރު ކުރިޔަށްގެންދާ ޕްރޮގްރާމް، "ސާރވް ވިތު އަ ސްމައިލް، އިންޓެގްރިޓީ ފަސްޓް އަދި އަޕްހޯލްޑް ހިއުމެނިޓީ"ގެ ތެރޭގައި ހިމެނިގެން ކުރިޔަށް ގެންދިޔަ ސެޝަނެކެވެ. 

Last night's ceremony also featured activities aligned with the ongoing service enhancement campaigns: Serve with a Smile, Integrity First, and Uphold Humanity. As part of these initiatives, Mr. Masood Ali, Founder of Empowering All and a Customer Service Strategist, conducted a… pic.twitter.com/3CzrbCv0sj

— Maldives Immigration (@ImmigrationMV) September 4, 2025

ރޭގެ ޖަލްސާގައި ވަޒީރު އިޙްސާން ވަނީ އިމިގްރޭޝަން އޮފިސަރުންނާ މުޚާތަބުކޮށް ވާހަކަފުޅު ދައްކަވާފައެވެ. އެ މަނިކުފާނުގެ ވާހަކަފުޅުގައި އިމިގްރޭޝަން އޮފިސަރުންނަށް ކުރިމަތިވާ ގޮންޖެހުންތަކަށް އަލިއަޅުވާލެއްވިއެވެ. މީގެ އިތުރުން، މި ކަންބޮޑުވުންތަކާ ގުޅިގެން ވަޒީރު ވަނީ އިމިގްރޭޝަން އޮފިސަރުންނާ ޚިޔާލު ބަދަލުކޮށްފައެވެ. 

Minister of Homeland Security and Technology, Hon. Ali Ihusaan, attended a special ceremony held last night to meet with Immigration officers. During the event, the Minister delivered an encouraging speech, addressing the current concerns faced by officers. He also led a… pic.twitter.com/N5nFT5DzsA

— Maldives Immigration (@ImmigrationMV) September 4, 2025

އިމިގްރޭޝަންގެ މި ބައްދަލުވުމުގައި ކޮންޓްރޯލަރ ޖެނެރަލް، ސީޕީ (ރިޓަޔަޑް) އަޙުމަދު ފަސީޙުގެ އިތުރުން، ޑެޕިއުޓީ ކޮންޓްރޯލަރ އަޙުމަދު އަޝްފާން އާއި އެ އިދާރާގެ އިސްވެރިން އަދި ގިނަ އަދަދެއްގެ އޮފިސަރުން ވަނީ ބައިވެރިވެފައެވެ.