މާލޭ ގެއެއްގެ ބަދިގޭގައި އަލިފާނުގެ ޙާދިޘާއެއް ހިނގައިފި!

ހ. މެލްބޯން ގޭގެ ދެ ވަނަ ފަންގިފިލާގައި ހުރި އެޕަރޓްމަންޓެއްގެ ބަދިގޭގެ ހުޑެއްގައި ރޯވި އަލިފާން، އެމް.އެން.ޑީ.އެފް. ފަޔަރ އެންޑް ރެސްކިޔު ސަރވިސް އިން ނިއްވާލައިފިއެވެ.

އެމް.އެން.ޑީ.އެފް. އިން ހާމަކޮށްފައިވާ ގޮތުގައި، މިޙާދިޘާގެ މަޢުލޫމާތު މިއަދު 11:00 ހާއިރު އެމް.އެން.ޑީ.އެފް. ފަޔަރ އެންޑް ރެސްކިޔު ސަރވިސް އަށް ލިބުމާއެކު، އެސަރވިސް ގެ ފަޔަރފައިޓަރުން އެސަރަޙައްދަށް ގޮސް، ރޯވި އަލިފާން ނިއްވާލުމަށް ވަނީ ޙަރަކާތްތެރިވެފައެވެ. 17 ވަަރަކަށް މިނެޓު ތެރޭގައި އަލިފާން ނިއްވާލެވިފައިވާކަމަށް އެމް.އެން.ޑީ.އެފް. އިން މަޢުލޫމާތު ދެއެވެ.

މިޙާދިޘާގައި އެއްވެސް މީހަކަށް އަނިޔާއެއް ލިބިފައި ނުވެއެވެ.

ހ. މެލްބޯން ދެ ވަނަ ފަންގިފިލާގައި މިއަދު ހިނގި އަލިފާނުގެ ޙާދިޘާގައި ލިބުނު ގެއްލުންތައް ދެނެގަތުމުގެ މަސައްކަތް ނެޝަނަލް ޑިޒާސްޓަރ މެނޭޖްމަންޓް އޮތޯރިޓީ، އެން.ޑީ.އެމް.އޭ. އިން ކުރަމުންދާ ކަމަށް އެ އޮތޯރިޓީން ބުނެއެވެ.

ހ.މެލްބޯން ގޭގެ 2ވަނަ ފަންގިފިލާގެ އެޕާޓްމަންޓް ބަދިގޭގެ ހުޑެއްގައި ރޯވި އަލިފާން އެމްއެނޑީއެފް ފަޔަރ އެންޑް ރެސްކިޔު ސަރވިސްއިން ނިއްވާލައިފި.https://t.co/k27ACt5TYn pic.twitter.com/SBAVzmO5Sx

— Maldives National Defence Force (@MNDF_Official) September 8, 2025