ސްޓެލްކޯގެ ޑިރެކްޓަރުންގެ ބޯޑުން އާމިރު ވަކިކޮށް، އެ މަޤާމަށް މުޒްނާ ޢައްޔަނުކޮށްފި

ސްޓޭޓް އިލެކްޓްރިކް ކޮމްޕެނީ ލިމިޓެޑް، ސްޓެލްކޯ ގެ ޑިރެކްޓަރުންގެ ބޯޑުގެ މެމްބަރުކަމުގެ މަޤާމުން މުޙައްމަދު ޢާމިރު ވަކިކޮށް، އެ މަޤާމަށް ޢާއިޝަތު މުޒްނާ ޢައްޔަނުކޮށްފިއެވެ.

ސްޓެލްކޯގެ ޑިރެކްޓަރުންގެ ބޯޑަށް މި އައި ބަދަލު، ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މިއަދު ވަނީ އިޢުލާނުކޮށްފައެވެ.

ޕީސީބީން ވިދާޅުވީ، ސްޓޭޓް އިލެކްޓްރިކް ކޮމްޕެނީ ލިމިޓެޑްގެ ޑިރެކްޓަރުންގެ ބޯޑުގެ މެންބަރުކަމުގެ މަޤާމުގައި ހުންނެވި ތ. ތިމަރަފުށި، ބޮޑުގެ އަލްފާޟިލް މުޙައްމަދު ޢާމިރު އެ މަޤާމުން ވަކިކޮށް، އެ މަޤާމަށް މއ. ޑޯންޝައިން، އަލްފާޟިލާ ޢާއިޝަތު މުޒްނާ ޢައްޔަނުކުރައްވާފައިވާ ކަމަށެވެ. ސްޓެލްކޯގެ ބޯޑަށް ޢައްޔަނުކުރި މުޒްނާއަކީ، ސްޓެލްކޯގެ ޑެޕިއުޓީ މެނޭޖިން ޑިރެކްޓަރުގެ މަޤާމުގައި ހުންނެވި ބޭފުޅެކެވެ.

ސްޓޭޓް އިލެކްޓްރިކް ކޮމްޕެނީ ލިމިޓެޑްގެ ޑިރެކްޓަރުންގެ ބޯޑުގެ މެންބަރުކަމުގެ މަޤާމުން ތ. ތިމަރަފުށި، ބޮޑުގެ އަލްފާޟިލް މުޙައްމަދު ޢާމިރު ވަކިކޮށް، އެ މަޤާމަށް މއ. ޑޯންޝައިން، އަލްފާޟިލާ ޢާއިޝަތު މުޒްނާ ވަނީ އައްޔަނުކޮށްފައެވެ. pic.twitter.com/ky98KbBHou

— Privatization & Corporatization Board (@pcb_gov) September 10, 2025