ރައީސް މުޢިއްޒު: ދައުލަތުގެ މުއައްސަސާތަކުގެ މިނިވަންކަމަށް އިޙްތިރާމްކުރާނަން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެމަނިކުފާނުގެ އެކްސް އެކައުންޓުގައި ޝާއިޢުކުރެއްވި ޕޯސްޓެއްގައި، ދައުލަތުގެ އެއްވެސް ބާރަކަށް ނުވަތަ މިނިވަން މުއައްސަސާއަކަށް ނުފޫޒު ފޯރުވުމުގެ އެއްވެސް ޢަމަލެއް ކުރައްވާފައިނުވާ ކަމަށާއި، އަދި މުސްތަޤުތަޤުބަލުގައިވެސް އެފަދަ ކަމެއް ނުކުރައްވާނެ ކަމުގެ ޔަޤީންކަން ދެއްވާފައިވެއެވެ.

އިތުރަށް ރައީސް މުޢިއްޒު ފާހަގަކުރެއްވި ގޮތުގައި، ދައުލަތުގެ މުއައްސަސާތަކުން ޢަދުލުވެރިކަމާއި، އިންސާފުވެރިކަމާއި، ހަމަހަމަކަމާއެކު، ވަކި ފަރާތަކަށް ނުޖެހި، އަވަސް މިނެއްގައި މަސައްކަތްކުރަމުންދޭތޯ ކަށަވަރުކުރެއްވުމަށް މަސައްކަތްޕުޅު ކުރައްވާނެ ކަމަށް ވިދާޅުވިއެވެ. މި މަޤްޞަދު ޙާޞިލުކުރެއްވުމަށްޓަކައި ޤާނޫނާއި ގަވާއިދަށް ގެންނަންޖެހޭ އިޞްލާޙެއްވާނަމަ، އެ އިޞްލާޙެއް ގެނައުމަށް ސަރުކާރުން މަސައްކަތްޕުޅު ކުރައްވާނެ ކަމަށްވެސް އެމަނިކުފާނު ވިދާޅުވެފައިވެއެވެ.

މި ބަޔާނުން އެނގިވަޑައިގަންނަވާ ގޮތުގައި، ރައީސް މުޢިއްޒުގެ ސަރުކާރުން ދައުލަތުގެ މުއައްސަސާތަކުގެ މިނިވަންކަމަށް އިޙްތިރާމްކުރައްވާ ކަމާއި، އެ މުއައްސަސާތަކުގެ މަސައްކަތްތައް ހަރުދަނާކުރެއްވުމަށް އެހީތެރިވެވަޑައިގަންނަވާނެކަން ދޭހަވެއެވެ.
 

ްދައުލަތުގެ އެއްވެސް ބާރެއްގެ، ނުވަތަ މިނިވަން މުއައްސަސާއެއްގެ، ނުވަތަ އިންތިޚާބު ކުރެވޭ އެއްވެސް ބައެއްގެ ބާރުތަކުގެ ތެރެއަށް ނުފޫޒު ފޯރުވުމަކީ އަޅުގަނޑު މިއަދާ ހަމަޔަށްވެސް ކުރިކަމެއްނޫން އަދި ކުރިޔަށް އޮތް ތާނގައިވެސް ކުރާނޭކަމެއްނޫން!. އޭގެ ބަދަލުގައި، އެފަދަ ފަރާތްތަކުން…

— Dr Mohamed Muizzu (@MMuizzu) October 29, 2024