އެއަރޕޯޓް ޓެކްސް ބޮޑުކުރަން ފާސްކޮށްފި!

އެއަރޕޯޓް ޓެކްސް ބޮޑުކުރަން ސަރުކާރުން ރައްޔިތުންގެ މަޖިލީހަށް ހުށައެޅި ހުށައެޅުން ރައްޔިތުންގެ މަޖިލީހުން ފާސްކޮށްފިއެވެ. 

މި ބިލަކީ ސަރުކާރުގެ ފަރާތުން ރައްޔިތުންގެ މަޖިލިހުގެ ގެމަނަފުށީ ދާއިރާގެ ޕީއެންސީގެ މެމްބަރު އަސަދުﷲ ޝިހާބު ހުށަހެޅުއްވި ބިލެކެވެ. މާލިއްޔަތު އަދި އިޤްތިޞާދީ ކޮމިޓީގެ ޖޮއިންޓް ކޮމިޓީއިން އެ ބިލް ދިރާސާ ކުރުމަށް ފަހު ރިޕޯޓް ވަނީ މަޖިލީހުގެ އާންމު ކޮމިޓީއަށް ފޮނުވާފައެވެ. އެ ރިޕޯޓާ މެދު ގޮތެއް ނިންމުމަށް މިއަދު ވަނީ ވޯޓަށް އަހާފައެވެ.

އެގޮތުން އެ ބިލް ފާސްކުރުމަށް ފެންނަ ކަމަށް ކޮމިޓީގެ 67 މެންބަރު ވޯޓު ދެއްވާފައިވާއިރު ނުފެންނަ ކަަމަށް 11 މެންބަރަކު ވޯޓު ދެއްވާފައިވެއެވެ.

އެއާޕޯޓު ޑިވެލޮޕްމެންޓް ފީ އާއި ޑިޕާޗާ ޓެކްސްއަށް ގެންނަ ބަދަލާއެކު، އިކޮނޮމީ ކްލާހުގައި ދަތުރުކުރާ ދިވެހީންގެ އަތުން ނަގަން މިހާރު ކަނޑައަޅާފައިވާ އަގަށް ބަދަލެއް ނާންނާނެކަން ފާހަގަކޮށްލަން ޖެހެއެވެ.

 އިކޮނޮމީ ކްލާހުގައި ދަތުރުކުރާ މީހުންގެ އަތުން މިހާރު ވެސް ނަގާނީ ކޮންމެ ފަސިންޖަރަކަށް ޑިޕާޗާ ޓެކްސްއަށް 12 ޑޮލަރާއި އެއާޕޯޓު ޑިވެލޮޕްމެންޓް ފީގެ ގޮތުގައި 12 ޑޮލަރެވެ. އެކަމަކު، ބިލުގައި މިހާރު އޮތީ ބިޒްނަސް ކްލާހުން ފެށިގެން މަތިން ދަތުރުކުރާ ދިވެހިންގެ އަތުން ނަގާ ޓެކްސް ބޮޑުވާ ގޮތަށެވެ.

ޑިޕާޗާ ޓެކްސްގެ ގޮތުގައި މިހާރު ނަގާ ޢަދަދުތައް:

• އިކޮނޮމީ ކްލާސް: ދިވެހިން 12 ޑޮލަރު، ބިދޭސީން 30 ޑޮލަރު
• ބިޒްނަސް ކްލާސް: ދިވެހިން 60 ޑޮލަރު، ބިދޭސީން 60 ޑޮލަރު
• ފަސްޓް ކްލާސް: ދިވެހިން 90 ޑޮލަރު، ބިދޭސީން 90 ޑޮލަރު
• ޕްރައިވެޓް ޖެޓް: ދިވެހިން 120 ޑޮލަރު، ބިދޭސީން 120 ޑޮލަރު

ސަރުކާރުން ގެންނަން ބޭނުންވާ ބަދަލު ތައް ގެންނާނީ އަންނަ ޑިސެމްބަރު 1 އިން ފެށިގެނެވެ. މިބަދަލު ތަކާއި އެކު ޓެކްސް އަށް އަންނަ ބަދަލުތަކަކީ:-

• އިކޮނޮމީ ކްލާސް: ދިވެހިން 12 ޑޮލަރު، ބިދޭސީން 50 ޑޮލަރު
• ބިޒްނަސް ކްލާސް: ދިވެހިން 120 ޑޮލަރު، ބިދޭސީން 120 ޑޮލަރު
• ފަސްޓް ކްލާސް: ދިވެހިން 240 ޑޮލަރު، ބިދޭސީން 240 ޑޮލަރު
• ޕްރައިވެޓް ޖެޓް: ދިވެހިން 480 ޑޮލަރު، ބިދޭސީން 480 ޑޮލަރު 

އެއާޕޯޓު ޑިވެލޮޕްމަންޓް ފީގެ ގޮތުގައި މިހާރު ނަގާ ޢަދަދުތައް:

• އިކޮނޮމީ ކްލާސް: ދިވެހިން 12 ޑޮލަރު، ބިދޭސީން 30 ޑޮލަރު
• ބިޒްނަސް ކްލާސް: ދިވެހިން 60 ޑޮލަރު، ބިދޭސީން 60 ޑޮލަރު
• ފަސްޓް ކްލާސް: ދިވެހިން 90 ޑޮލަރު، ބިދޭސީން 90 ޑޮލަރު
• ޕްރައިވެޓް ޖެޓް: ދިވެހިން 120 ޑޮލަރު، ބިދޭސީން 120 ޑޮލަރު

ސަރުކާރުން ގެންނަން ބަދަލާއި އެކު އެއާޕޯޓު ޑިވަލޮޕްމެންޓް ފީގެ ގޮތުގައި އަންނަ ޑިސެމްބަރު 1 އިން ފެށިގެން ނަގާނީ:-

• އިކޮނޮމީ ކްލާސް: ދިވެހިން 12 ޑޮލަރު، ބިދޭސީން 50 ޑޮލަރު
• ބިޒްނަސް ކްލާސް: ދިވެހިން 120 ޑޮލަރު، ބިދޭސީން 120
•  ޑޮލަރުފަސްޓް ކްލާސް: ދިވެހިން 240 ޑޮލަރު، ބިދޭސީން 240 ޑޮލަރު
• ޕްރައިވެޓް ޖެޓް: ދިވެހިން 480 ޑޮލަރު، ބިދޭސީން 480 ޑޮލަރު

މި ޢަދަދުތަކާ ގުޅިގެން މާލީ ވުޒާރާއި  ލަފާކުރާ ގޮތުގައި އަންނަ އަހަރު ޑިޕާޗާ ޓެކްސްގެ ގޮތުގައި 762.5 މިލިއަން ރުފިޔާ އަދި އެއާޕޯޓް ޑިވެލޮޕްމަންޓް ފީގެ ގޮތުގައި 809.8 މިލިއަން ރުފިޔާ ލިބޭނެއެވެ. 

އަދި 2026 ވަނަ އަހަރު ޑިޕާޗާ ޓެކްސްގެ ގޮތުގައި 895.7 މިލިއަން ރުފިޔާ އަދި 2027 ވަނަ އަހަރު 964 މިލިއަން ރުފިޔާ ލިބޭނެ ކަމަށް ލަފާކޮށްފައިވެއެވެ. އެއާޕޯޓު ޑިވެލޮޕްމަންޓް ފީގެ ގޮތުގައި 2026 ވަނަ އަހަރު 944.6 މިލިއަން ރުފިޔާ އަދި 2027 ވަނަ އަހަރު އެއް ބިލިއަނަށް ވުރެ ގިނަ ރުފިޔާ ލިބޭނެ ކަމަށް ވެސް މާލީ ވުޒާރާއިން ވަނީ ލަފާކޮށްފައެވެ.