މާލެ ސަރަހައްދުގައި  ޓެކްސީ ލައިންގެ ޚިދުމަތެއް ފަށަނީ

މާލެ ސަރަހައްދުގައި  ޓެކްސީ ލައިންގެ ޚިދުމަތެއް ފެށުމަށް ސަރުކާރުން ނިންމައިފިއެވެ. 

 ރައްޔިތުންގެ މަޖިލީހުގެ އިގްތިސާދީ ކޮމިޓީގައި ވާހަކަފުޅުދައްކަވަމުން މިނިސްޓަރ މުހައްމަދު އަމީން ވިދާޅުވި ގޮތުގައި، މި  ޓެކްސީ ލައިންގެ 50 އިންސައްތަ ޑްރައިވަރުންނަކީ ދާއިމީ މުވަޒައްފުންގެ ގޮތުގައި ހަމަޖެއްސޭނެއެވެ. އަދި އަނެއް 50 އިންސައްތަ ސްލޮޓްތައް ހުޅުވާލެވިފައިވަނީ އެއް ވަޒީފާގައި އުޅެމުންވެސް އިތުރު އާމްދަނީ ހޯދުމަށް މަސައްކަތްކުރާ ފަރާތްތަކަށް ނުވަތަ 2 ނުވަތަ 4 ނުވަތަ އެއަށްވުރެ ވެސް ގިނަ ގަޑިއިރަށް މި މަސައްކަތް ކުރަން ބޭނުންވާ ފަރާތްތަކަށެވެ.

މި ޓެކްސީ ލައިންގައި ބައިވެރިވުމަށް ކަނޑައަޅާފައިވާ ޝަރުތުތަކުގެ ތެރޭގައި ހިމެނެނީ ދިވެއްސަކަށްވުމާއި، ޑްރައިވިންގ ލައިސަންސް އޮތުމާއެކު ކުޑަ މެޑިކަލް ކްރައިޓީރިއާއެއް ފުރިހަމަކުރުމެވެ.

މި ޓެކްސީ ލައިނުގައި ބައިވެރިވާ ޑްރައިަރުންނަށް އެއް ދުވަހުގެ ތަމްރީން ޕްރޮގްރާމެއް ހިންގުމަށް ރާވަމުންދާކަމަށްވެސް މިނިސްޓަރ ހާމަކުރެއްވިއެވެ.

މިނިސްޓަރ އަމީން އިތުރަށް ވިދާޅުވި ގޮތުގައި، ޑްރައިވަރުންނަށް ވަކި ޑްރެސް ކޯޑެއް ކަނޑައެޅިގެންދާނެއެވެ. މިއީ ޑްރައިވަރުކަން ފަސޭހައިން ދެނެގަނެވޭނެ ގޮތަކަށް ހަމަޖެއްސުމަށް ކުރެވޭ ކަމެކެވެ. އަދި މިހާރު ޓެކްސީ ދުއްވާ ފަރާތްތަކުގެ މަސައްކަތަށް އެއްވެސް އުނިކަމެއް ނާންނާނެކަން މިނިސްޓަރ ކަށަވަރުކޮށްދެއްވިއެވެ.

ސަރުކާރުން މި ޓެކްސީ ލައިންގެ މެއިންޓެނަންސް ޚަރަދާއި ތެލުގެ ޚަރަދު ބަލަހައްޓާނެކަމަށް މިނިސްޓަރ ވިދާޅުވިއެވެ. އަދި ދާއިމީ މުވައްޒަފުންނަށް ޓެކްސީ ލައިން ހަވާލުކުރެވޭ އެސްއޯއީގޯއީގެ ތެރެއިން މަސައްކަތް ކުރާނެ މިންގަނޑު ކަނޑައެޅިގެންދާނެކަމަށާއި، ޑްރައިވަރުންނަށް މުސާރަ ދެވޭނީ ކޮންމެ 7 ދުވަހަކުން ކަމަށްވެސް މިނިސްޓަރ ވިދާޅުވިއެވެ.

މި ޕްރޮޖެކްޓްގެ މައިގަނޑު ދެ މަޤްޞަދެއްގެ ގޮތުގައި މިނިސްޓަރ ފާހަގަކުރެއްވީ ޓެކްސީ ޚިދުމަތް ސްޓޭންޑަޑައިޒް ކުރުމާއި، މާލެ ސަރަހައްދުގައި ދިރިއުޅޭ ގިނަ އަދަދެއްގެ ރައްޔިތުންނަށް ހުރިހާ ގަޑިއެއްގައިވެސް ޓެކްސީ ޚިދުމަތް ލިބޭނެކަން ކަށަވަރުކުރުމެވެ.

މިގޮތަށް ރަނގަޅު ސެކިއުރިޓީ ނިޒާމަކުން މޮނިޓަރ ކުރެވިގެން ޓެކްސީ ލައިނެއް ނުކުތީމަ މި ޚިދުމަތައް ދެން އަންނަން ބޭނުންވާ ބޭފުޅުންނަށް ވެސް އެ ސްޓޭންޑަޑަށް ވެހިކަލްއަށް އެއްޗެހި ގެންނެވީމަ މާކެޓު ލިބޭނީ. އެއިރުން އެބޭފުޅުންގެ ޓެކްސީ އާއްމު ރައްޔިތުން ބޭނުންކުރާނީ," މިނިސްޓަރ އަމީން ވިދާޅުވިއެވެ      މި އައު ޓެކްސީ ލައިންގެ ޚިދުމަތް ފެށުމުން، މާލެ ސަރަހައްދުގައި ދަތުރުފަތުރުގެ ނިޒާމަށް ބޮޑު ކުރިއެރުމެއް ލިބިގެންދާނެއެވެ. ޚާއްޞަކޮށް މާލޭގައި ދިރިއުޅޭ ގިނަ އަދަދެއްގެ ރައްޔިތުންނަށް އިތުބާރުހުރި، ރައްކާތެރި އަދި ފަސޭހަ ދަތުރުފަތުރުގެ ވަސީލަތެއް ލިބިގެންދާނެއެވެ.

މީގެ އިތުރުން، މި ޕްރޮޖެކްޓުން ގިނަ އަދަދެއްގެ ވަޒީފާގެ ފުރުޞަތުތައް އުފެދިގެންދާނެއެވެ. ޚާއްޞަކޮށް ދާއިމީ މުވައްޒަފުންގެ ގޮތުގައި އަދި ޕާޓްޓައިމް މަސައްކަތްތެރިންގެ ގޮތުގައި ގިނަ ބަޔަކަށް އާމްދަނީ ހޯދުމުގެ ފުރުޞަތު ފަހިވެގެންދާނެއެވެ. ސަރުކާރުން މި ޕްރޮޖެކްޓަށް ކުރާ އިންވެސްޓްމަންޓުން، ޓެކްސީ ޚިދުމަތުގެ ފެންވަރު މަތިވެ، ރައްޔިތުންނަށް ލިބޭ ޚިދުމަތުގެ ފެންވަރު ރަނގަޅުވެގެންދާނެއެވެ.