ނޮވެމްބަރު މަހު އަލުން ޑޮމެއިންގެ ޚިދުމަތް ފެށުމަށް ސަރުކާރުން ނިންމައިފި

ދަތުރުފަތުރާއި މަދަނީ އުދުހުންތަކާ ބެހޭ ވުޒާރާއިން މިއަދު ހާމަކުރި ގޮތުގައި، ދިވެހިރާއްޖޭގައި ވަގުތީގޮތުން މެދުކަނޑާލާފައިވާ ޑޮމެއިންގެ ޚިދުމަތް މި އަންނަ ނޮވެމްބަރު މަހު އަލުން ފެށުމަށް ވަނީ ނިންމާފައެވެ. މި ޚިދުމަތް އަލުން ފެށުމަށްޓަކައި ވުޒާރާއިން މިހާރު ދަނީ ދުރާލާ ތައްޔާރުވަމުންނެވެ.

ނިމިދިޔަ ސަރުކާރުގެ ދައުރުގެ ފަހުކޮޅު، ޑޮމެއިންގެ ގިނަ މައްސަލަތަކެއް ކުރިމަތިވުމާ ގުޅިގެން ވަނީ މި ޚިދުމަތް ވަގުތީގޮތުން ހުއްޓާލާފައެވެ. ޚާއްޞަކޮށް ޒުވާނުންގެ މެދުގައި މަޤްބޫލު މި ޚިދުމަތަށް ގިނަ ފަރާތްތަކުން ވަނީ ބޮޑެތި ހޭދަތަކެއް ކޮށްފައެވެ.

ދަތުރުފަތުރުގެ ވުޒާރާއިން  ބުނެފައިވާ ގޮތުގައި، މި ޚިދުމަތް އަލުން ފެށުމަށް ލަސްވެފައިވަނީ ކުރީގެ ސަރުކާރުން ޑޮމެއިންގެ ރެކޯޑްތައް ހަރުދަނާ ގޮތެއްގައި ބަލަހައްޓާފައި ނެތުމުގެ ސަބަބުންނެވެ. އެހެންކަމުން، ވުޒާރާގެ މައިގަނޑު އަމާޒަކީ ޑޮމެއިން ޚިދުމަތް އަލުން ފެށުމާއެކު، ހަރުދަނާ މޮނިޓަރިންގ ނިޒާމަކާއި ފުރިހަމަ ޤަވާޢިދެއް ޤާއިމުކޮށް، ދެމެހެއްޓެނިވި ގޮތެއްގައި މި ޚިދުމަތް ފޯރުކޮށްދިނުމެވެ.

އިތުރު ސަލާމަތީ ފިޔަވަޅެއްގެ ގޮތުން، އަލުން ޚިދުމަތް ފެށުމާއެކު، ޑޮމެއިންގެ ޚިދުމަތަށް ދޫކުރާ އެންމެހައި ލިޔެކިޔުންތަކަކީ ސެކިއުރިޓީ ފީޗަރތައް ހިމެނޭ ލިޔެކިޔުންތަކަކަށް ބަދަލުކުރެވޭނެ ކަމަށް ވަނީ ބުނެފައެވެ. އަދި މި މަސައްކަތް ކުރިއަށް ގެންދާނީ އެއްވެސް ފަރާތެއްގެ ޙައްޤަށް އުނިކަމެއް ނާންނާނެ ގޮތަށް ކަމަށްވެސް ވުޒާރާއިން ވަނީ ކަށަވަރުކޮށްދީފައެވެ.