ޚަބަރު
ގޮއިދޫ ކޯރު ސަރަޙައްދު ދިރުވައި އާލާކުރުމަށް މަޝްވަރާ ކޮށްފި
ގޮއިދޫ ކޯރު ފޮޓޯ: މޫސުމާއި ބެހޭ ވުޒާރާ
މޫސުމަށް އަންނަ ބަދަލުތަކާއި، ތިމާވެށި އަދި ހަކަތައާބެހޭ މިނިސްޓްރީއާއި އެމެރިކާގެ އެހީދޭ އިދާރާ ޔޫ.އެސް.އެއިޑްގެ މޫސުމަށް ހޭނުމުގެ މަޝްރޫޢާ ގުޅިގެން، ގޮއިދޫ ކޯރު ސަރަޙައްދު އަލުން ދިރުވައި އާލާކުރުމާ ގުޅޭގޮތުން ރައްޔިތުންގެ ޚިޔާލު ހޯދުމަށް މަޝްވަރާ ބައްދަލުވުމެއް ބާއްވައިފިއެވެ.
މި ބައްދަލުވުމުގައި އެ ސަރަޙައްދުގެ މިހާރުގެ ޙާލަތު ދެނެގަނެ، އެ ސަރަޙައްދު އަލުން ދިރުވައި އާލާކުރުމަށް އެޅިދާނެ ފިޔަވަޅުތަކާ ބެހޭ ގޮތުން ފުޅާ ދާ ދާއިރާއެއްގައި މަޝްވަރާކުރެވުނެވެ. އަދި މި މަސައްކަތުގައި ރައްޔިތުންގެ ބައިވެރިވުމުގެ މުހިންމުކަން ޚާއްޞަކޮށް ފާހަގަކުރެވުނެވެ.
<blockquote class="twitter-tweet"><p lang="en" dir="ltr">The Ministry of Climate Change, Environment, and Energy, together with the <a href="https://twitter.com/USAID?ref_src=twsrc%5Etfw">@USAID</a> Climate Adaptation Project, held a workshop to gather community feedback on restoration and rehabilitation solutions for the Goidhoo Koaru Area. <a href="https://t.co/MLBDQiL1xW">pic.twitter.com/MLBDQiL1xW</a></p>— Min. of Climate Change, Environment and Energy (@MoEnvmv) <a href="https://twitter.com/MoEnvmv/status/1851678810636456332?ref_src=twsrc%5Etfw">October 30, 2024</a></blockquote> <script async src="https://platform.twitter.com/widgets.js" charset="utf-8"></script>
ގޮއިދޫ ކޯރު ސަރަޙައްދަކީ ތިމާވެށީގެ ގޮތުން ވަރަށް މުހިންމު ސަރަޙައްދެއްކަމަށާއި، މޫސުމަށް އަންނަ ބަދަލުތަކުގެ ސަބަބުން މި ސަރަޙައްދަށް ކުރިމަތިވެފައިވާ ގޮންޖެހުންތައް ޙައްލުކުރުމަކީ އަވަސް ފިޔަވަޅުތަކެއް އަޅަންޖެހޭ މައްސަލައެއްގެ ގޮތުގައި ސަރުކާރުން ދެކޭ ކަމެއްކަމަށް މިނިސްޓްރީގެ އިސް ވެރިއެއް ވިދާޅުވިއެވެ.
މި މަޝްރޫޢުގެ ދަށުން ކުރިއަށް އޮތް ތަނުގައި އިތުރު ޢިލްމީ ދިރާސާތަކެއް ކުރުމަށް ރޭވިފައިވާ ކަމަށާއި، މި ދިރާސާތަކުގެ ނަތީޖާއަށް ބިނާކޮށް އެ ސަރަޙައްދު އަލުން ދިރުވައި އާލާކުރުމުގެ މަސައްކަތް ކުރިއަށް ގެންދާނެ ކަމަށް ބައްދަލުވުމުގައި ހާމަކުރެވުނެވެ.
