ކޮޗިންއާއި ޓްރިވެންޑްރަމްއަށް ދަތުރުކުރުމުގެ އަގުތައް މޯލްޑިވިޔަންއިން ހެޔޮކޮށްފި!

ދިވެހިރާއްޖޭގެ ޤައުމީ އެއަރލައިން ކަމުގައިވާ މޯލްޑިވިޔަންއިން، އަވައްޓެރި އިންޑީޔާގެ ކޮޗިން އަދި ޓްރިވެންޑްރަމްއަށް ކުރާ ދަތުރުތަކުގެ ދެކޮޅު ޓިކެޓުގެ އަގުތައް ހެޔޮކޮށް، ޚާއްޞަ ފެއަރއެއް ތަޢާރަފުކޮށްފިއެވެ. މި ފެއަރގެ ދަށުން އިންޑިޔާއަށް ދަތުރުކުރުމަށް ބޭނުންކުރާނީ އެއަރބަސް އޭ320 ބޯޓު ކަމަށް އެ އެއަރލައިންއިން މަޢުލޫމާތުދެއެވެ.

މޯލްޑިވިއަންއިން ބުނީ، ޓިކެޓުގެ އަގު ހެޔޮކުރުމާއެކު، ފޯރުކޮށްދޭ ޚިދުމަތްތަކުގެ ފެންވަރު ރަނގަޅުކުރުމަށް މަސައްކަތްކުރަމުންދާ ކަމަށާއި، ރާއްޖެއާއި ދެކުނު އިންޑިޔާއާ ދެމެދު ދަތުރުކުރުމަށް އިސްކަންދޭ އެއަރލައިނެއްގެ ގޮތުގައި ޙަރަކާތްތެރިވުމަށް މަސައްކަތްކުރަމުންދާ ކަމަށެވެ.

އެ ގޮތުން، މި މަސައްކަތުގެ ތެރެއިން، މޯލްޑިވިއަން އެއަރލައިންސްއިން ކޮޗިން އަދި ޓްރިވެންޑްރަމްއަށް ކުރާ ދަތުރުތަކުގެ ދެކޮޅު ޓިކެޓުގެ އަގުތައް ހެޔޮކޮށް، ޚާއްޞަ ފެއަރއެއް ތަޢާރަފުކޮށްފައިވާ ކަމަށް މޯލްޑިވިޔަންއިން ހާމަކުރެއެވެ. މި ފެއަރއާއެކު ކޮޗިންއަށް ކުރާ ދަތުރުތަކުގެ ޓިކެޓުގެ އަގު ފެށޭނީ 176 އެމެރިކާ ޑޮލަރުން ކަމަށާއި، ތިރުވަނަންތަޕުރަމް (ޓްރިވެންޑްރަމް)އަށް ކުރާ ދަތުރުތަކުގެ ޓިކެޓުގެ އަގު ފެށޭނީ 232 އެމެރިކާ ޑޮލަރުން ކަމަށް ޤައުމީ އެއަރލައިންއިން މަޢުލޫމާތުދެއެވެ.

Malé ↔️ Cochin

From Malé to Cochin 🌸 travel the easy way. Enjoy the comfort, warmth, and peace of mind that only Maldivian brings to every flight ✈️ #MaldivianAero pic.twitter.com/KMmxZwAgH5

— MaldivianAero (@MaldivianAero) October 10, 2025

މޯލްޑިވިއަންއިން ބުނީ، މި ބަދަލާއެކު ފަސިންޖަރުންނަށް ލިބޭ އިތުރު ފައިދާތަކުގެ ތެރޭގައި، އޭ320 ފްލައިޓްގެ އިކޮނޮމީ ކްލާހުގައި 20 ކިލޯގެ ހިލޭ ބެގޭޖް އެލަވަންސްއާއި، ކޮމްޕްލިމެންޓްރީ ހޮޓް މީލް އަދި ބުއިންތައް ހިމެނޭ ކަމަށެވެ. އަދި ހަމަ އެހެންމެ، ޕްރިމިއަމް އިކޮނޮމީ ކްލާހުގައި 30 ކިލޯގެ ބެގޭޖް އެލަވަންސްއާއި، އަވަސް ޗެކް-އިން ޚިދުމަތާއި، ޓިކެޓުގެ ދުވަސް ބަދަލުކުރުމުގެ ފުރުޞަތު އިތުރު އަގަކާ ނުލައި ލިބޭނެ ކަމަށް ވެސް މޯލްޑިވިޔަންއިން އިޢުލާނުކޮށްފައިވެއެވެ.

މޯލްޑިވިޔަންއިން ބުނީ، މި ބަދަލަކީ ހަމައެކަނި ވިޔަފާރިތަކަށް ފައިދާވާނެ ކަމެއް ނޫން ކަމަށާއި، މިއީ މުޅި ޤައުމަށް، އަދި ވަކީން ޚާއްޞަކޮށް ފަތުރުވެރިކަމުގެ ޞިނާޢަތަށް ވަރަށް ބޮޑު ކުރިއެރުމެއް ލިބިގެންދާނޭ ކަމެއް ކަމަށެވެ. މި ބަދަލުގެ ސަބަބުން ދެކުނު އިންޑިޔާއިން ދިވެހިރާއްޖެއަށް ޒިޔާރަތްކުރާ ފަތުރުވެރީންގެ ޢަދަދު އުފުލި، އެކި ބޭނުންތަކުގައި ދަތުރުކުރާ މީހުންނަށް އިތުރު ފަސޭހަތަކެއް ލިބިގެންދާނެ ކަމަށް މޯލްޑިވިޔަންއިން އަންދާޒާކުރެއެވެ.

Malé ↔️ Trivandrum

Your trip from Malé to Trivandrum 🌤️ deserves more than the basics. With Maldivian, everything that makes flying feel right is already included ✨#MaldivianAero pic.twitter.com/4tOQUTBgKY

— MaldivianAero (@MaldivianAero) October 10, 2025