ޚަބަރު
ދިވެހިންގެ އުފެއްދުންތެރިކަމުގެ މައުރަޒު 2025ގެ ވެބްސައިޓް އިފްތިތާޙްކޮށްފި
ރާއްޖޭގެ އުފެއްދުން ފޮޓޯ:ދި މޯލްޑިވްސް އެކްސްޕަރޓް
ދިވެހިންގެ އުފެއްދުންތެރިކަމުގެ މައުރަޒު 2025ގެ ވެބްސައިޓް ރަސްމީކޮށް އިފްތިތާޙްކޮށްފިއެވެ. މި ވެބްސައިޓް ލޯންޗްކޮށްދެއްވީ އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދެވެ.
އަންނަ އަހަރުގެ މެއި މަހުގެ ތެރޭގައި ބޭއްވުމަށް ހަމަޖެހިފައިވާ މި މައުރަޒުގައި ބައިވެރިވުމުގެ ފުރުޞަތު މިހާރު ވަނީ ހުޅުވާލާފައެވެ. އަދި މައުރަޒާ ގުޅޭ މުހިންމު ގިނަ މަޢުލޫމާތުތަކެއް މި ވެބްސައިޓް މެދުވެރިކޮށް ލިބެން ހުންނާނެކަމަށް އިޤްތިޞާދީ ވުޒާރާއިން މަޢުލޫމާތު ދެއެވެ.
ދިވެހިންގެ އުފެއްދުންތެރިކަމުގެ މައުރަޒު 2025 އަކީ ރާއްޖޭގެ އުފެއްދުންތެރިކަން އިތުރުކުރުމާއި ވިޔަފާރި ފުޅާކުރުމުގެ މަޤްޞަދުގައި ބާއްވާ މައުރަޒެކެވެ. މި މައުރަޒު އިންތިޒާމްކުރަނީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އިސްނެންގެވުމާއި އިރުޝާދުގެ ދަށުންނެވެ.
މި މައުރަޒުގައި އެކިއެކި ދާއިރާތަކުން ދިވެހިންގެ އުފެއްދުންތެރިކަން ފެންނާނެ. މިއީ ދިވެހިންގެ އުފެއްދުންތެރިކަން މުޅި ދުނިޔެއަށް ދައްކާލުމަށް ލިބޭ ރަނގަޅު ފުރުޞަތެއް
އިޤްތިޞާދީ ތަރައްޤީއާއި ވިޔަފާރިއާ ބެހޭ ވުޒާރާއިން ބުނެފައިވެއެވެ.
މި މައުރަޒުގައި ބައިވެރިވާން ބޭނުންވާ ފަރާތްތަކަށް އައު ވެބްސައިޓް މެދުވެރިކޮށް ރަޖިސްޓަރީ ކުރެވޭނެއެވެ. އަދި މައުރަޒާ ގުޅޭ އިތުރު މަޢުލޫމާތު ހޯދުމަށް ވެސް މި ވެބްސައިޓަށް ޒިޔާރަތްކުރުމަށް އިޤްތިޞާދީ ވުޒާރާއިން ވަނީ މައުލޫމާތު ދީފައެވެ.
