ލާމަރުކަޒީ ޤާނޫނަށް ޢަމަލުކުރަން ސަރުކާރުން ބޭނުންނުވާކަން ހާމަވޭ : މޭޔަރ އާޒިމް

މާލޭ ސިޓީ މޭޔަރ އާދަމް އާޒިމް އެކްސް  ގައި ކުރެއްވި ޕޯސްޓެއްގަ ލާމަރުކަޒީ ޒީ ޤާނޫނަށް ޢަމަލުކުރަން ސަރުކާރުން ބޭނުންނުވާކަން ހާމަވާ ކަމަށް ވިދާޅުވެއްޖެއެވެ.

މޭޔަރ އާޒިމް ވިދާޅުވީ ސަރުކާރުގެ ޢަމަލުތަކާއި ނިންމުންތައް ހުރި ގޮތުން، ލާމަރުކަޒީ  ޤާނޫނަށް ޢަމަލުކުރަން ސަރުކާރުން ބޭނުންނުވާކަން ދަނީ ފެންނަމުންނެވެ. އޭގެ ތެރޭގައި ލާމަރުކަޒީ ޤާނޫނުން ރައްޔިތުންނަށް ފޯރުކޮށްދިނުމަށް ލާޒިމްކޮށްފައިވާ ޚިދުމަތްތައް ދިނުމަށް ކައުންސިލްތަކުން ހުށަހެޅި ފައިސާގެ ބޮޑު ބައެއް ބަޖެޓުން އުނިކޮށްފައިވާކަން ފާހަގަކުރެއްވިއެވެ.

މިއީ ކައުންސިލްތަކުން ރައްޔިތުންނަށް ފޯރުކޮށްދޭންޖެހޭ ޚިދުމަތްތަކުން ރައްޔިތުން މަޙުރޫމްކުރުމަށް ރާވައިގެން ކުރާ ކަންކަމުގެ ތެރެއަށް އިތުރުވި ބޮޅެއް ކަމުގައި މޭޔަރ އާޒިމް ވިދާޅުވިއެވެ.

މީގެ އިތުރުން މޭޔަރ އާޒިމް ވިދާޅުވީ ލާމަރުކަޒީ ޤާނޫނުން ކައުންސިލްތަކުން ރައްޔިތުންނަށް ފޯރުކޮށްދިނުމަށް ލާޒިމްކޮށްފައިވާ ޚިދުމަތްތައް ދިނުމަށް ބަޖެޓުގައި ހިމަނާފައިވާ ފައިސާ އުނިކުރުމުގެ ބާރު ސަރުކާރަށް ނޯންނާނެ ކަމަށެވެ. އަދި މިފަދަ ކަންކަން އިސްލާޙުކުރުމަށް ސަރުކާރަށް ގޮވާލެއްވިއެވެ.

މޭޔަރ އާޒިމް އިތުރަށް ފާހަގަކުރެއްވި ގޮތުގައި ބަޖެޓް ތައްޔާރުކޮށްފައިވަނީ ލާމަރުކަޒީ ޤާނޫނާ ޚިލާފަށެވެ. އެހެންކަމުން ޤާނޫނާ އެއްގޮތަށް ބަޖެޓް އެކުލަވާލުމަށް އެމަނިކުފާނު ގޮވާލެއްވިއެވެ.

ސަރުކާރުގެ މިސްރާބު ހުރީ ލާމަރުކަޒީ ޤާނޫނު، ވުޖޫދުން ފޮހެލަންކަން، ސަރުކާރުގެ ޢަމަލުތައް ހުރިގޮތުން ދޭހަވޭ. ސަރުކާރުގެ ނިންމުންތައް ހުރިގޮތުން، ލާމަރުކަޒީ ޤާނޫނަށް ޢަމަލުކުރަން ބޭނުން ނުވާކަން ދަނީ ފެންނަމުން. ލާމަރުކަޒީ ޤާނޫނުން ރައްޔިތުންނަށް ފޯރުކޮށް ދިނުމަށް ލާޒިމްކޮށްފައިވާ…

— Mayor of Male’ City - Adam Azim (@adamazim) November 2, 2024