ޚަބަރު
މާދަމާ ސަރުކާރުބަންދަސް ޕާސްޕޯޓުގެ ޚިދުމަތް ލިބޭނެ!
އިމިގްރޭޝަން އޮފިސަރުންތަކެއް އޮފީހުގައި ޚިދުމަތްދެނީ.ފޮޓޯ:އިމިގްރޭޝަން
މާދަމާއަކީ ސަރުކާރު ބަންދުދުވަހެއް ނަމަވެސް ޕާސްޕޯޓުގެ ޚިދުމަތް ލިބޭނެ ކަމަށް މޯލްޑިވްސް އިމިގްރޭޝަނުން ބުނެފިއެވެ.
އިމިގްރޭޝަނުން ބުނެފައިވަނީ 3 ނޮވެމްބަރު 2024 އަދި 10 ނޮވެމްބަރު 2024 ވާ ދެ ދުވަހަކީ ސަރުކާރު ބަންދު ދެ ދުވަސް ކަމުގައިވިޔަސް އެދެދުވަހު މާލޭ އޮފީހުން ދިވެހި ޕާސްޕޯޓުގެ ޚިދުމަތް ލިބޭނެ ކަމަށެވެ.
އިމިގްރޭޝަނުން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ އިމުގާ ޕޯޓަލް މެދުވެރިކޮށް 24 ގަޑިއިރު ޕާސްޕޯޓުގެ ޚިދުމަތަށް ހުށައެޅޭނެ ކަމަށެވެ. އަދި 65 އަހަރުން މަތީގެ ބޭފުޅުންނަށާއި އިމަޖެންސީ ޙާލަތުގައި ޕާސްޕޯޓަށް ބޭނުންވެފައިވާ މީހުންނަަށް އިމިގްރޭޝަނަށް ހާޒިރުވެ އަދި އޮންލައިންކޮށް ހެނދުނު 8:30 އާއި 14:00 އާއި ދެމެދު ޕާސްޕޯޓުގެ ޚިދުމަތަށް އެދި ހުށައެޅޭނެކަމަށެވެ.
ސަރުކާރު ބަންދު ދުވަސްތައް ކަމުގައިވާ 2024 ނޮވެންބަރު 3 އަދި 10 ވަނަ ދުވަހު ދިވެހި ޕާސްޕޯޓުގެ ޚިދުމަތް ދިނުމަށް ހަމަޖެހިފައިވާ ގަޑިތައް. pic.twitter.com/ciV3KtoRPQ
— Maldives Immigration (@ImmigrationMV) October 31, 2024
މީގެއިތުރުން ޕާސްޕޯޓާއި ހަވާލުވުމަށް ނަންބަރު ދޫކުރުމަށް ހަމަޖެހިފައިވަނީ ހެނދުނު 8:30 އިން މެންދުރު 14:00 އަށް ކަމަށާއި، ކިއުބީ އެޕްލިކޭޝަން މެދުވެރިކޮށް ނުވަތަ އިމިގްރޭޝަނަށް ހާޒިރުވެގެންވެސް ނަންބަރު ނެގޭނެކަމަށް އިމިގްރޭޝަނުން ވަނީ ބުނެފައެވެ.
