ކުނި މަދުކުރުމަށް ފިޔާ ތޮށިން ޕެކޭޖިންގ އުފައްދާ ވިޔަފާރިއެއް

އޯބަން ގައި ހުރި ކުޑަ "ސްޓަރޓް އަޕް" ވިޔަފާރިއެއް ވަނީ ކުނި މަދުކޮށް، ތިމާވެއްޓަށް ބޭރުވާ ވިހަ ގޭސް މަދުކުރުމަށްޓަކައި ފިޔާގެ ތޮށިން ތިމާވެއްޓާ ރައްޓެހި ޕެކޭޖިންގ އުފެއްދުމުގެ މަސައްކަތް ފަށާފައެވެ.

ހުއިޑް (ޑަޗް ބަހުން ތޮއްޓަށް ކިޔާ ނަން) ގެ ސީއީއޯ ރެނޫކާ ރާމަނުޖަމްއަކީ ކުރިން ޓެކްސްޓައިލްސް ދަރިވަރެއްގެ ގޮތުގައި ހުރެ، ފުރަތަމަ ފަހަރަށް ފިޔާގެ ތޮށި ބޭނުންކޮށްގެން ފޮތީގައި ކުލަ ޖެއްސި ފަރާތެވެ.

ދަނޑުވެރިންނާއި ދަނޑުވެރިކަމުގެ ވިޔަފާރިތަކުން އުކާލާ ފިޔާގެ ތޮށި ހޯދައި، އެއިން ކާޑްބޯޑު ފަދަ މެޓީރިއަލްއެއް އަދި ފްލެކްސިބަލް ފިލްމްގެ ބަދަލުގައި ބޭނުންކުރެވޭނެ އެއްޗެއް އުފެއްދުމުގެ މަސައްކަތް ރެނޫކާ ވަނީ ކޮށްފައެވެ.މި މަސައްކަތަށް އިންޑަސްޓްރީ އިސްނަގައިގެން ހިންގާ ނޭޝަނަލް މެނުފެކްޗަރިންގ އިންސްޓިޓިއުޓް ސްކޮޓްލެންޑްއިން އަންނަނީ އެހީތެރިކަން ފޯރުކޮށްދެމުންނެވެ.

 ފިޔާގެ ތޮށީގައި އެންޓި-މައިކްރޯބިއަލް ސިފަތަކެއް ހުރުމުން، މި ޕެކޭޖިންގ ބޭނުންކޮށްގެން ހަލާކުވާ ކާބޯތަކެތީގެ މުއްދަތު އިތުރުކުރެވިދާނެއެވެ.މި ތިމާވެއްޓާ ރައްޓެހި ޕެކޭޖިންގ އުފެއްދުމުގައި ފިޔާގެ ބޭރު ތޮށީގައި ހުންނަ ރަނގަޅު ފެންވަރުގެ ސެލިއުލޯސް ނަގައި، އެއާއެކު ބަޔޯޕޮލިމަރ ބްލެންޑެއް އެއްކުރެވެއެވެ.ޕޮލިމަރތަކަކީ ކުދި ޔުނިޓްތަކެއް ތަކުރާރުކޮށް ގުޅިގެން އުފެދޭ ވަރަށް ދިގު ޗެއިން މޮލެކިއުލްތަކެކެވެ . ބަޔޯޕޮލިމަރތަކަކީ ޕްރޮޓީން، ކާބޯހައިޑްރޭޓް އަދި މޭވާފަދަ ގުދުރަތީ ވަސީލަތްތަކުން އުފައްދާ ޕޮލިމަރތަކެކެވެ.

ހުއިޑްއިން މަސައްކަތް ކުރަނީ ކުނި މަދުކުރުމަށެވެ. އެއީ ޔޫކޭގެ ގޭބިސީތަކުން އަހަރަކު ގާތްގަނޑަކަށް 90 ބިލިއަން ޕްލާސްޓިކް ޕެކޭޖިންގ އުކާލާކަމަށް ލަފާކުރެވޭތީއެވެ.

އަހަރެން މި މެޓީރިއަލްއާ ގުޅޭގޮތުން ތަޖުރިބާކުރަން ފެށީ އަހަރެންގެ ނިދާ ކޮޓަރީގެ ތަޅުންގަނޑުގައި, ޕްލާސްޓިކް ހޫނުކުރާއިރު އޭގެ ކެމިކަލް ކާނާއަށް ވަދޭ، އަހަރެން ބޭނުންވީ އުކާލެވޭ ހަރަދެއް ނުދާ  އެއްޗަކުން ހައްލެއް ހޯދަން.

 ކޮންމެ ކެއުމެއް ތައްޔާރު ކުރާއިރުވެސް ގިނަފަހަރަށް ފިޔާ ބޭނުންކޮށް އޭގެ ތޮށި ހުންނާނެކަން ޚިޔާލަށް ގެންނަވާ. ފިޔައަކީ ދުނިޔޭގެ ހުރިހާ ކާނާއެއްގައިވެސް ބޭނުންކުރާ އެއްޗެއް، އެ ހުރިހާ ތަނެއްގައި ބޭނުންކުރާތީ، އޭގެ ކުންޏާއި ބޭކާރުވާ ބައިވެސް ހުރިހާ ތަނެއްގައި ލިބެން ހުރޭ

މިސް ރާމަނުޖަމް ބުންޏެވެ.

އިންޑިއާގައި އުފަން، އެހެންނަމަވެސް ޑަޗް ޤައުމިއްޔަތު އޮތް މިސް ރާމަނުޖަމް ލަންޑަނުން އޯބަނަށް ބަދަލުވީ 2021 ގައި ރައްޓެހި މީހެއްގެ ދަޢުވަތަކާ ގުޅިގެންނެވެ.މިސް ރަޕިން މަސައްކަތް ކުރަމުންދަނީ ކާބޯތަކެތި ބަންދުކުރާ ޕްލާސްޓިކް ކޮތަޅުގެ ބަދަލުގައި ބޭނުންކުރެވޭނެ ފްލެކްސިބަލް ފިލްމެއް އުފެއްދުމަށެވެ.

މިވަގުތު، ޕްރޮޓޯޓައިޕްތައް ތައްޔާރުވެފައި ހުރީ އަދި އަހަރެމެން ބޭނުންވާވަރަށްވުރެ ތަންކޮޅެއް ބޯކޮށް،

އޭނާ ބުންޏެވެ.

 ބިސް ކާޓަންފަދަ އުފެއްދުންތައް އުފެއްދުމަށް ބަލަމުން ދާކަމަށް މިސް ރާމަނުޖަމް އުންމީދުކުރެއެވެ. އެދެމީހުން ވެސް  އުންމީދުކުރަނީ އަންނަ އަހަރު އެމީހުންގެ ފުރަތަމަ އުފެއްދުން ހަމައެކަނި ފިޔާގެ ތޮށިން އުފައްދާ ކަރުދާސް ނެރެވޭނެ ކަމަށެވެ.

ގަސްތަކަކީ ތިމާވެއްޓަށް ވަރަށް މުހިންމު އެއްޗެއް،  އެއީ އޭގައި ދިރިއުޅޭ ޖަނަވާރުތަކާއި އޭގައި ރައްކާކުރެވިފައި ހުންނަ ކާބަން ގެ ސަބަބުން، ފިޔަލުގެ ތޮށީގައި އެފަދަ ޒިންމާއެއް ނޯވޭ

 މި ޕްރޮޓޯޓައިޕްތަކުން ފިޔާ ވަސް ދުވާތޯއެވެ؟

 މިސް ރާމަނުޖަމް ހާމަކުރ ގޮތުގައި މިޕެކޭޖިންގ ގެ ސާމްޕަލްތަކުގައި ވަރަށް މަޑުމަޑު ވަހެއް ހުންނާނެއެވެ. ނަމަވެސް އެއީ ނުބައިވަހަކަށް ވުރެން ބޮޑަށް މީރުވަހެކެވެ. އޭނާ ޤަބޫލުކުރާގޮތުގައި ޕެކޭޖިންގ އަކީ ދެމިހުންނާނެ އެއްޗެކެވެ.އެއީ ރައްކާތެރިކަމަށް ނުވަތަ ވިއްކަން ކަމުގައި ވިޔަސް، އަބަދުވެސް ބޭނުން ކުރެވޭނެ އެއްޗެކެވެ.