ދުނިޔެ

ހިފާފައިވާ ހުޅަނގުއައްސޭރީން ފަލަސްޠީނުގެ 16 މީހަކު އަނެއްކާވެސް ހައްޔަރުކޮށްފި!

ހިފާފައިވާ ހުޅަނގުއައްސޭރީން ފަލަސްޠީނުގެ 16 މީހަކު އަނެއްކާވެސް ހައްޔަރުކޮށްފި!

ދެކުނުއައްސޭރީން ފަލަސްޠީނުގެ ޒުވާނެެއް ހައްޔަރުކުރަނީ.

ޙަސްނާ އަޙްމަދް

ޙަސްނާ އަޙްމަދް

04 ނޮވެމްބަރު 2024، 09:03

04 ނޮވެމްބަރު 2024، 09:03

އިޒްރާއިލުން ހިފައިފައިވާ ފަލަސްޠީނުގެ ހުޅަނގުއައްސޭރީން އަނެއްކާވެސް ފަލަސްޠީނުގެ 16 މީހަކު ހައްޔަރުކޮށްފިކަމަށް އަލްޖަޒީރާއިން ބުނެފިއެވެ. 

ފަލަސްޠީނުގެ ޢަސީރުންގެ ހައްްޤުގައި ވަކާލާތުކުރާ ޖަމިއްޔާއަށް ހަވާލާދީ އަލްޖަޒީރާގައި ބުނެފައިވަނީ ހޮނިހިރު ދުވަހުގެ ރެއިން ފެށިގެން އިޒްރާއީލުގެ ސިފައިން ހިފާފައިވާ ހުޅަނގު އައްސޭރީން މަދުވެގެން 16 މީހަކު ހައްޔަރުކޮށްފައިވާކަމަށެވެ. އަދި އޭގެ ތެރޭގައި ކުޑަކުއްޖަކާއި ކުރީގައި ހައްޔަރުކުރި ދެޢަސީރަކު ހިމެނޭކަމަށެވެ. 

ފަލަސްޠީނު އޮތޯރިޓީގެ ކޮމިޝަން ފޯ ޑިޓެއިންސް އެންޑް އެކްސް ޑިޓެއިންސް އާއި ޕްރިޒަނަރސް ސޮސައިޓީން ގުޅިގެން ނެރުނު ބަޔާނެއްގައި ބުނެފައިވަނީ އެ މީހުން ހައްޔަރުކޮށްފައިވަނީ ރާމަﷲ  ނާބުލުސް، ތުއްބަސް، ސަލްފިތް، އަދި ހިބްރޫން އިން ކަމަށެވެ. 

 އިޒްރާއީލުގެ ސިފައިން ވަނީ ހޮނިހިރު ދުވަހު ހިބްރޫންގެ ދެކުނުގައި އޮންނަ ފައްވާރު ކޭމްޕުގެ  ބޮޑު ސަރަހައްދަކަށް ވަދެގަނެ އެތަނުން ޢާންމުންގެ ގިނަ ބަޔަކު ހިފަހައްޓައި ސުވާލުތަކެއް ކޮށްފައެވެ. އެސަރަހއްދުން އޭރު ހިފެހެއްޓި ފަލަސްޠީނުގެ ރައްޔިތުން ދޫކޮށްލައިފައިވާ ކަަމަށް އަލްޖަޒީރާގައި ވަނީ ބުނެފައެވެ.

 މިދިޔަ އަހަރު ޣައްޒާއާ އަށް ދޭން ފެށި ހަމަލާތަކުގެ ފަހުން، އިރުމަތީ ގުދުސް ހިމެނޭ ގޮތަށް ހިފާފައިވާ ހުޅަނގު އައްސޭރީން އިޒްރާއީލުގެ ސިފައިން ވަނީ 11،500 ފަލަސްޠީނުގެ ރައްޔިތުން ޢަސީރުކޮށްފައެވެ. 

 

މި ލިޔުން ކިޔާލުމުން

Ads by MSS