ޚަބަރު
ބަޖެޓް ކޮމިޓީގެ މުޤައްރިރަކަށް ފަޒާދު، ނައިބު މުޤައްރިރަކަށް ސަލީމް!

ބަޖެޓް ކޮމިޓީގެ ބައްދަލުވުމެއް ކުރިއަށްދަނީ. ފޮޓޯ: މަޖިލިސް
2025 ވަނަ އަހަރަށް ލަފާކޮށް ސަރުކާރުން ހުށައަޅައިފައިވާ ބަޖެޓް ދިރާސާ ކުރާ ކޮމިޓީ އެކުލަވައިލައި، އެކޮމިޓީގެ މުޤައްރިރަކަށް ފުވައްމުލަކު މެދުދާއިރާގެ މެންބަރު ޢަލީ ފަަޒާދު ހަމައްޖައްސައިފިއެވެ.
ކޮމިޓީގެ ނައިބު މުޤައްރިރަކަށް ހަމަޖައްސަވައިފައިވަނީ އޭދަފުށީ ދާއިރާގެ މެންބަރު އަޙްމަދު ސަލީމް ހަމަޖއައްސައިފައިވެއެވެ. މިދެބޭފުޅުން މުޤައްރިރުކަމަށާއި ނައިބު މުޤައްރިރު ކަމަށް ހަމަޖައްސައިފައިވަނީ ކޮމިޓީގެ މެމްބަރުންގެ އަޤުލަބިއްޔަތުންނެވެ.
މުޤައްރިރު ފަޒާދު އަދި ނައިބު މުޤައްރިރު ސަލީމްގެ އިތުރުން ކޮމިޓީގައި ތިއްބަވާނީ ހުޅުމާލެ ދެކުނު ދާއިރާގެ މެމްބަރު ޑރ. އަހްމަދު ޝަމްހީދު، މައްޗަންގޯޅި މެދު ދާއިރާގެ މެމްބަރު އަޙްމަދު ސަމީރު، ހޯރަފުށީ ދާއިރާގެ މެމްބަރު ޢަލީ މޫސާ، ބާރަށު ދާއިރާގެ މެމްބަރު އިބްރާހިމް ޝުޖާއު، ކެލާ ދާއިރާގެ މެމްބަރު ޢަބްދުﷲ ޝަރީފް، ހަނިމާދޫ ދާއިރާގެ މެމްބަރު ޢަބްދުލްޢަފޫރު މޫސާ، ކަނޑިތީމު ދާއިރާގެ މެމްބަރު އަމީން ފައިސަލް، ފުނަދޫ ދާއިރާގެ މެމްބަރު މުޙައްމަދު މަމްދޫހެވެ.
މީގެއިތުރުން ކެނދިކުޅުދޫ ދާއިރާގެ މެމްްބަރު މުޙައްމަދު ޢަފޫ ހާމިދު، ވެލިދޫ ދާއިރާގެ މެމްބަރު މުޙައްމަދު އައްބާސް، ކެންދޫ ދާއިރާގެ މެމްބަރު މަޢުރޫފް ޒާކިރު، ކުރެންދޫ ދާއިރާގެ މެމްބަރު މުޙައްމަދު ޝާމިން ޙަބީބު، ހިތަދޫ ދެކުނު ދާއިރާގެ މެމްބަރު އިބްރާހިމް ނާޒިލް، ހިތަދޫ މެދު ދާއިރާގެ މެމްބަރު އަޙްމަދު އަޒާން މަރުޒޫގް، މާމިގިލީ ދާއިރާގެ މެމްބަރު ޤާސިމް އިބްރާހިމް، މާފަންނު އުތުރު ދާއިރާގެ މެމްބަރު އަޙްމަދު ނާޒިމް، ފޭދޫ އުތުރު ދާއިރާގެ މެމްބަރު އިސްމާއިލް ނިޒާރު، ފުވައްމުލަކު އުތުރު ދާއިރާގެ މެމްބަރު ހަމަދު ޢަބްދުﷲ، ތިނަދޫ އުތުރު ދާއިރާގެ މެމްބަރު ސަޢުދުﷲ ހިލްމީ އަދި ގެމަނަފުށީ ދާއިރާގެ މެމްބަރު އަސަދުﷲ ޝިހާބެއެވެ.
މިމެންބަރުން ހިމެނިވަޑައިގަންނަވާ ބަޖެޓް ކޮމިޓީއިން ބަޖެޓު ދިރާސާކުރުމުގެ މަސައްކަތް ނިންމުމަށް ކަނޑައަޅައިފައިވާ ތާރީޚަކީ މި ނޮވެމްބަރު މަހުގެ 20 ވަނަ ދުވަހެވެ.
މި ބަޖެޓަކީ ސަރުކާރުން ހުށައަޅައިގައިވާ 56.6 ބިލިއަން ރުފިޔާގެ ބަޖެޓެކެވެ.