ޣައްޒާގެ އުތުރުގެ ހުރިހާ ހޮސްޕިޓަލެއްގެ ޚިދުމަތްތައް ކެނޑިއްޖެ!

ޣައްޒާގެ އުތުުރުގެ ހުރިހާ ހޮސްޕިޓަލެއްގެ ޚިދުމަތްތައް ކެނޑިއްޖެކަމަށް ފަލަސްޠީނުގެ ދައުލަތުގެ މީޑީއާއިން ބުނެފިއެވެ. 

އިޒްރާއީލުން ހުއްޓުމެއްނެތި ޣައްޒާގެ އުތުރު ހިޞާރުކޮށްފައި އޮތުމުގެ ސަބަބުން ޞިއްޙީ ސާމާނު ހިމެނޭ ގޮތަށް އިންސާނީ އެހީތެރިކަން ނުލިބި ހުއްޓިފައިވާ ކަމަށް ފަލަސްޠީނުގެ ދައުލަތުގެ މީޑިއާއިން ވަނީ ބުނެފައެވެ.

ފަލަސްޠީނުގެ މީޑިއާ އޮފީހުން ނެރެފައިވާ ބަޔާނެއްގައި ބުނެފައިވަނީ ފާއިތުވި މަހެއްހާ ދުވަހުގެ ތެރޭގައި ޣައްޒާގެ އުތުރުގައި 1،800 މީހުން ޝަހީދުވެފައިވާ ކަމަށެވެ. އަދި މި ހަމަލާތަކުގެ ސަބަބުން 4،000 މީހުން ޒަޚަމްވެފައިވާ ކަމަށްވެސް އެއޮފީހުން ވަނީ ބުނެފައެވެ. 

އެއޮފީހުން އިތުރަށް ބުނެފައިވަނީ ޣައްޒާގެ ސިވިލް ޑިފެންސް ޓީމުތަކަށް ޚިދުމަތުގައި ދެމިތިބި ސިވިލް ޑިފެންސް ޓީމުތަކަށް އިޒްރާއިލުން  ހަމަލާދީ ބައެއް މެމްބަރުން ހައްޔަރުކޮށް ފައިވާ ކަމަށެވެ. އަދި ޓީމުތަކުގެ މަސައްކަތަށް ހުރަސްއަޅައި މަސައްކަތް ހުއްޓުވުމުގެ ސަބަބުން މީހުން ސަލާމަތްކުރުމަށް މަސައްކަތް ކުރުމަށްވެސް ހުރަސްއެޅިފައިވާކަމަށެވެ.

ނުވަތަ މަސައްކަތް ކުރުން ހުއްޓުވާފައިވާކަމަށެވެ.

ފަލަސްޠީނުގެ މީޑިއާ އޮފީހުން ގޮވާލައިފައިވަނީ ބައިނަލްއަޤްވާމީ އިންސާނީ ޤާނޫނުތައް ދަމަހައްޓައި، ކަމާބެހޭ ފަރާތްތަކުން އިޒްރާއިލަށް އެޤާނޫނުތައް ތަންފީޒުކުރުމަށް ޕްރެޝަރުކުރުމަށެވެ. އަދި ޣައްޒާގެ އުތުރަށް ބޭނުންވާ  އެހީ ރައްކާތެރިކަމާއެކު ވެއްދޭނެ ގޮތް ހެދުމަށެވެ. 

އިޒްރާއީލުގެ ޢަސްކަރިއްޔާއިން ހިޞާރުކޮށްފައިވާ ޢައްޒާގެ އުތުރުގެ ބައިތް ލަހްޔާގައި ހުންނަ ކަަމަލް އަދްވަން އަށް އިޒްރާއިލުން އެންމެ ފަހުން ދިން ހަމަލާތަކުގެ ސަބަބުން ހަމަލާތައް އެރި އެހޮސްޕިޓަލުގެ އައިސީޔޫ ވޯޑުން ސަލާމަތްވެފައިވަނީ ހަތަރު އަހަރުގެ ތުއްތު ކުއްޖެއް އެކަނި ކަމަށް އެހޮސްޕިޓަލުން ވަނީ ބުނެފައެވެ. 

 އިސްރާއީލުގެ ޢަސްކަރިއްޔާއިން މިދިޔަ ހަފްތާގައި ކަމަލް އަދްވަން ހޮސްޕިޓަލުގެ އައިސީޔޫ ހިމެނޭ ގޮތަށް އެހޮސްޕިޓަލުގެ ފެސިލިޓީތަކަށް އަމާޒުކޮށް ދިން ހަމަލާތަކުގައި އެތައް ކުޑަކުދިންތަކެއް ވަނީ ޝަހީދުވެފައެވެ.

ހޮސްޕިޓަލުން ކަރަންޓް ކެނޑުމުގެ އިތުރުން އައިވީ ސޮލިއުޝަންތައް ހިމެނޭ ގޮތަށް އަސާސީ ސާމާނުގެ ވަރަށް ބޮޑު ދަތިކަމެއް ކުރިމަތިވެފައިވާ ދަނޑިވަޅެއްގައި ޒަޚަމްވެފައިވާ މީހުން ފަރުވާއަކާއި ނުލައި މަރުވާން ދޫކޮށްނުލުމަށް ބޮޑެތި މަސައްކަތްތަކެއް ކުރަންޖެހިފައިވާ ކަމަށް ކަމަލް އަދްވަން ހޮސްޕިޓަލުން ވަނީ ބުނެފައެވެ.