އަންނަ އަހަރު ހުޅުމާލޭގައި ޒަކާތުހައުސްގެ ޢިމާރާތެއް ހުޅުވުމަކީ އަމާޒެއް ކަަމަށް ވަޒީރު ޝަހީމް ވިިދާޅުވެއްޖެ!

އަންނަ އަހަރު ހުޅުމާލޭގައި ޒަކާތުހައުސްގެ ޢިމާރާތެއް ހުޅުވުމަކީ އަމާޒެއް ކަމަށް އިސްލާމީކަންތައްތަކާއި ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ މިއަދު ޒަކާތުބޭސްފަރުވާގެ ޚިދުމަތް "ވަންގަވް"  ތަޢާރަފްކުރުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ. 

އެމަނިކުފާނުގެ ވާހަކަފުޅުގައި ވިދާޅުވީ ޒަކާތު ހައުސްއަކީ ރައީސް ޑރ މުޙައްމަދު މުޢިއްޒުގެ ސިޔާސަތުތަކުގެ ތެރެއިން އުފައްދަވާ ހިންގަވަމުން އަންނަ މުއައްސަސާ އެއް ކަމަށެވެ. އަދި މިއަންނަ އަހަރަކީ ރަނގަޅު ކުރިއެރުންތަކެއް އެ އިދާރާ އިން ހޯދާނެ އަހަރެއް ކަމުގައިވެސް ވަޒީރު ޝަހީމް ވިދާޅުވިއެވެ.

އެގޮތުން އަންނަ އަހަރު ހުޅުމާލޭގައި ޒަކާތު ހައުސްއަށް ހާއްސަ އިމާރާތެއް އެޅުމަށް ނިންމާފައިވާ ކަމަށާއި އެ އިމާރާތަކީ ރައްޔިތުން ނަށް އެށީގެންވާ ރަނގަޅު ޚިދުމަތްތަކެއް ލިބިގެނެ ދާނެ އިމާރާތެއް ކަމަށްވެސް ވަޒީރު ޝަހީމް ވިދާޅުވި އެވެ.

ވަޒީރު ވިދާޅުވީ މޯލްޑިވްސް ޒަކާތުހައުސް ހުޅުމާލޭގައި ގާއިމުކުރުމަށްޓަކައި މިހާރު ބިންހަމަޖެހިފައިވާ ކަމަށާއި 2025 ވަނަ އަހަރު މި އިމާރާތް އެޅުމުގެ މަސައްކަތް ފެށިގެން ދާނެ ކަމަށެވެ. އަދި ޒަކާތު ހައުސް ވެގެންދާނީ މުހިއްމު ގައުމީ އިދާރާ އަކަށް ކަމުގައި ވިދާޅުވި އެވެ. އަދި އަމަޒާކީ ޒަކާތު ހައުސްއަކީ ރާއްޖޭގައި ހުރި އެންމެ ހަރުދަނާ ރައްޔިތުންނާއި ގާތުން ޚިދުމަތްދޭ އިޖްތިމާޢީ މުއައްސަސާއަކަށް ހެދުން ކަަމަށްވެސް އެމަނިކުފާނު ވިދާޅުވިއެވެ.