ޖެނެރޭޝަނަލް ބޭން އަކީ އަންނަން އޮތް ޖީލުތަކުގެ ޞިއްޙަތަށްޓަކައި ކުރެވޭ ވަރުގަދަ އިންވެސްޓްމަންޓެއް

ޖެނެރޭޝަނަލް ޓޮބާކޯ ބޭން އަކީ އަންނަން އޮތް ޖީލުތަކުގެ ޞިއްޙަތަށް ޓަކައިި ކުރެވޭ ވަރުގަދަ އިންވެސްޓްމަންޓެއް ކަަމަށް ރައީސުލްޖުމްހޫރިއްޔާގެ އަނބިކަނބަލުން ފަސްޓްލޭޑީ މެޑަމް ސާޖިދާ މުޙައްމަދު ވިދާޅުވެއްޖެއެވެ. 

މިއަދު ތަންފީޒު ކުރެވެން ފެށުނު ޖެނެރޭޝަނަލް ބޭން އާއި ގުޅިގެން މެޑަމް ސާޖިދާ ކުރެއްވެވި އެކްސް ޕޯސްޓެއްގައި ވިދާޅުވީ މިއަދު އަޅުގަނޑުމެން މިވަނީ ދުންފަތުގެ އިސްތިޢުމާލުކުރުން ނެތް ދިވެހިރާއްޖެއަކަށް މިސްރާބުޖެހުމުގެ ތާރީޚީ ފިޔަވަޅެއް އަޅާފައި ކަމަށެވެ.

 ޞިއްޙީ ދާއިރާގައި ޞިއްޙަތާއި ގުޅުންހުރި ކަންކަމުގައި އަޑުއުފުއްލަވާ ކަނބަލެއްގެ ހައިސިއްޔަތުން، އެކަމަނާ ވިދާޅުވީ ދުންފަތުގެ އިސްތިޢުމާލުކުރުން މަނާކުރުމުގެ ޖެނެރޭޝަނަލް ބޭން އިފްތިތާޙުކުރުމުގައި ސަރުކާރުން ދައްކަވާފައިވާ ލީޑަރޝިޕަށް ތަޢުރީފުކުރައްވާ ކަމަށެވެ.

“މިއީ އަންނަން އޮތް ޖީލުތަކުގެ ޞިއްޙަތަށްޓަކައި ކުރެވޭ ވަރުގަދަ އިންވެސްޓްމަންޓެކެވެ. މިއީ ދުންފަތުގެ ވަބާއިން ސަލާމަތްވެ، ބަލިތަކުން ދުރުކުރުމަށް ހެކިތަަކަށް ބިނާކޮށް އެޅޭ ރަނގަޅު ފިޔަވަޅެއް” މެޑަމް ސާޖިދާ ވިދާޅުވެފައިވެއެވެ.

Today we take a historic step towards a tobacco-free Maldives. As a healthcare advocate, I applaud the Government’s leadership in launching the Generational Ban on Tobacco, a powerful investment in the wellbeing of generations to come. This is a bold, evidence-based step to break…

— First Lady Sajidha Mohamed (@sajidhaamohamed) November 1, 2025

ސާޖިދާ ވިދާޅުވީ މިކުރެވޭ މަސައްކަތަކީ ޒުވާނުންނަށްޓަކައި ޞިއްޙަތު ރަނގަޅު، ބާރުގަދަ މުސްތަޤުބަލެއް ކަށަވަރުކުރުމުގެ މަސައްކަތް ކަމަށެވެ. އަދި މިކަމަކީ ރާއްޖެއަށް އޮތް ފަޚުރެއް ކަމަށްެވެސް އެކަމަނާ ވިދާޅުވިއެވެ.