މާފަންނު ބޮޑުގޭގައި 3 ބުރީގެ ދާއިމީ މިސްކިތެއް އެޅުމަށް ނިންމައިފި

މާފަންނު ބޮޑުގެ ބިމުގައި މިހާރު ހުރި ވަގުތީ މިސްކިތުގެ ބަދަލުގައި 3 ބުރިއަށް ދާއިމީ ބޮޑު މިސްކިތެއް ބިނާކުރުމަށް ސަރުކާރުން ނިންމައިފިއެވެ. މި މަޢުލޫމާތު ހާމަކުރެއްވީ އިސްލާމިކް މިނިސްޓަރ މުޙައްމަދު ޝަހީމް ޢަލީ ސަޢީދެވެ.

މިނިސްޓަރ ޝަހީމް އެކްސް  ގައި ކުރެއްވި ޕޯސްޓެއްގައި ވިދާޅުވެފައިވަނީ މި މިސްކިތް އެޅުމުގެ މަސައްކަތް ސްޕޮންސަރކުރާ އަމިއްލަ ފަރާތަކަށް ދިނުމަށް ނިންމާފައިވާ ކަމަށެވެ. އަދި މި މިސްކިތަކީ ޤުރުއާން  ކްލާސްތަކާއި ލައިބްރަރީ ވެސް ހިމެނޭ ގޮތަށް ފަރުމާކުރެވޭނެ މިސްކިތެއް ކަމަށް އިތުރަށް ވިދާޅުވިއެވެ.

މި މިސްކިތް އެޅުމުގެ މަސައްކަތް ފެށޭނެ ތާރީޚެއް އަދި ހާމަކުރައްވާފައެއް ނުވެއެވެ.