ނުޤަވާޢިދަށް ރާއްޖޭގައި އުޅެމުންދިޔަ 5 ބިދޭސީއަކު ހައްޔަރަށް

ޤަވާޢިދާ ޚިލާފަށް ރާއްޖޭގައި އުޅެމުންދިޔަ 5 ބިދޭސީއަކު ހޯދައި، އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.

އިމިގްރޭޝަނުން ހާމަކުރާ ގޮތުގައި، މި ބިދޭސީން ހައްޔަރުކުރީ، މާލޭގައި ހުންނަ ވިޔަފާރިތަކަށް އަމާޒުކޮށްގެން ހިންގި ޚާއްޞަ އޮޕަރޭޝަނެއްގެ ތެރެއިންނެވެ.

އިމިގްރޭޝަނުން ބުނީ، މި އޮޕަރޭޝަންގެ މަޤުޞަދަކީ ޤަވާޢިދާ ޚިލާފަށް ވިޔަފާރިކުރާ އަދި ޞައްޙަ ވިސާއެއް ނެތި ރާއްޖޭގައި ދިރިއުޅެމުންދާ ބިދޭސީން ހޯދައި، ފިޔަވަޅު އެޅުން ކަމުގައެވެ. މި ގޮތުން، އިއްޔެ ހިންގި މި އޮޕަރޭޝަނުގައި މާލޭގެ 8 ކެފޭއެއް ފާސްކޮށްފައިވެއެވެ. އަދި މި އޮޕަރޭޝަނުގެ ތެރެއިން ނުޤަވާޢިދަށް އުޅެމުންދާ ކަން އެނގިފައިވާ 5 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.

ޤަވާއިދާ ޚިލާފަށް އުޅޭ ބިދޭސީން ހޯދުމަށް ހިންގާ އޮޕަރޭޝަން ރާއްޖޭގެ އާބާދުވެފައިވާ ހުރިހައި ރަށަކަށް ސަރުކާރުން ވަނީ ފުޅައުކޮށްފައެވެ. މީގެ އިތުރުން، ރާއްޖޭގަ ތިބި އެންމެހައި ބިދޭސީންގެ މަޢުލޫމާތު އެއް ޑޭޓާބޭސްއަކަށް އެއްކޮށް، ބިދޭސީންގެ މައްސަލަތައް ކުރިއަށް އޮތް 3 އަހަރުގެ ތެރޭގައި ޙައްލު ކުރުމަށް ވެސް ސަރުކާރުން ދަނީ މަސައްކަތްކުރަމުންނެވެ.

ގަވާއިދާ ހިލާފަށް ވިޔަފާރިކޮށް، ސައްހަ ވިސާއެއް ނެތި އުޅެމުން އަންނަ ބިދޭސީންނަށް އަމާޒުކޮށް އިއްޔެ ޓާސްކް ފޯސްއިން ވަނީ މާލޭގައި ހުންނަ 08 ކެފޭއެއް ބަލައި ފާސްކޮށް، ގަވާއިދާ ޚިލާފަށް އުޅެމުންދިއަ 05 ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފައި.@PoliceMv… pic.twitter.com/eBtY22DyvQ

— Maldives Immigration (@ImmigrationMV) November 5, 2025