ރޭ ހިނގި އެކްސިޑެންޓެއްގައި 19 އަހަރުގެ ޒުވާނަކު ނިޔާވެއްޖެ

ހުޅުމާލޭގައި ރޭގެ 11:30 ހާއިރު ހިނގި އެކްސިޑެންޓެއްގައި 19 އަހަރުގެ ޒުވާނަކު ނިޔާވެއްޖެއެވެ. 

ހުޅުމާލޭ ފޭސް 2ގެ ނިކަގަސް މަގުގައި ހިނގި މި އެކްސިޑެއްނޓުގައި ނިޔާވެފައި ވަނީ ކ. ދިއްފުށި، ލައިޓް ގާޑަން، އިސްމާއީލް ރަޔާން ބިން ނާޒިމްއެވެ. އޭނާ ނިޔާވީ ހޮސްޕިޓަލަށް ގެންގޮސް ފަރުވާދެމުން ދަނިކޮށެވެ.

ފުލުހުން ހާމަކޮށްފައިވާ ގޮތުގައި މި އެކްސިޑެންޓު ހިނގީ ނިކަގަސްމަގުން ވަންވޭއާ އިދިކޮޅަށް ބާރު ސްޕީޑްގައި ދުއްވި ސައިކަލެއް، އެ މަގަށް އެޅި ސައިކަލެއްގައި ޖެހިގެންނެވެ. 

އަދި ނިޔާވި ޒުވާނާގެ އިތުރުން، ދެ މީހަކަށް އަނިޔާ ވެގެން ހޮސްޕިޓަލަށް ގެންދިޔައެވެ. ނަމަވެސް އެ މީހުންނަށް ލިބިފައި ވަނީ ކިހާވަރެއްގެ އަނިޔާއެއް ކަމެއް ނޭންގެއެވެ.