ޚަބަރު
ހުޅުމާލޭ ފަޅުގައި އޮތް ދޯނީގައި ރޯވި އަލިފާން ނިއްވާލައިފި
ހުޅުމާލޭ ފަޅުތެރޭގައި އޮތް ތެޔޮ އުފުލާ ދޯންޏެއްގައި އަލިފާން ރޯވުން.
ފަރުދުން
11 ނޮވެމްބަރު 2025، 03:45
11 ނޮވެމްބަރު 2025، 03:45
ހުޅުމާލޭ ފަޅުތެރޭގައި އަޅާފައި އޮތް ދޯންޏެއްގައި އަދު މެންދުރު ހިނގި އަލިފާނުގެ ޙާދިޘާ ކޮންޓްރޯލްކޮށް، އަލިފާން މިހާރު ނިއްވާލައިފައިވާ ކަމަށް ފުލުހުން ހާމަކޮށްފިއެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ، ހުޅުމާލޭ ފަޅުގައި އޮތް ތެޔޮ އުފުލާ ދޯންޏެއްގައި އަލިފާން ރޯވެގެން އުޅޭ ކަމުގެ މަޢުލޫމާތު ފުލުހުންނަށް ލިބުނީ މިއަދު މެންދުރު 12:55ގައި ކަމަށެވެ.
އަލިފާން ނިއްވުމުގައި ޙަރަކާތްތެރިވެ، މިހާރު އަލިފާން އެއްކޮށް ނިންވިފައިވާ ކަމަށް ފުލުހުން ވަނީ ބުނެފައެވެ.
ފުލުހުން އިތުރަށް ބުނީ، މި ޙާދިޘާގައި އެ ދޯނީގައި ހުރި ބަންގްލަދޭޝް މީހަކަށް އަނިޔާވެފައިވާ ކަމަށެވެ. މި ގޮތުން، އެ މީހާގެ އަތްތިލަ ފިހިފައިވާ ކަމަށާއި، ނަމަވެސް މިހާރު ހަސްފަތާލުގައި ފަރުވާދެމުންދާ ކަމަށް ފުލުހުން މަޢުލޫމާތު ދެއެވެ.
މި މައްސަލައާ ގުޅޭ އިތުރު ތަޙުޤީޤުތައް ފުލުހުން ގެންދަނީ ކުރަމުންނެވެ.
Ads by MSS
