މީރާގެ ޑެޕިޔުޓީ ކޮމިޝަނަރ ގެ މަޤާމަށް އަމީޒާ އައްޔަނުކުރަން ރުހުން ދީފި!

މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ ޑެޕިޔުޓީ ކޮމިޝަނަރ ޖެނެރަލް އޮފް ޓެކްސްޓޭޝަންގެ މަޤާމަށް ފާތިމަތު އަމީޒާ އައްޔަނު ކުރަން ރައްޔިތުންގެ މަޖިލީހުން ފާސްކޮށްފިއެވެ.

މަޖިލީހުގައި މިކަމަށް މިއަދު ނެގި ވޯޓުގައި އެ މަޤާމަށް އަމީޒާ އައްޔަންކުރަން ފާސްވީ ވޯޓުގައި ބައިވެިރވި 64 މެންބަރުންގެ އިއްތިފާޤުންނެވެ.

ޑެޕިއުޓީ ކޮމިޝަނަރގެ މަޤާމަށް ބޭފުޅަކު އައްޔަންކުރަން ރައީސުލްޖުމްހޫރިއްޔާ ޑރ މުޙައްމަދު މުޢިއްޒު މަޖިލީހަށް ހުށަހެޅުއްވީ މިހާރު އެ މަޤާމުގައި ހުންނެވި އަސްމާ ޝަފީޢުގެ ދައުރު މިދިޔަ މަހު 31 އަށް ހަމަވެފައިވާތީއެވެ.

މިމަޤާމަށް ބޭފުޅަކު އައްޔަނު ކުރުމަށް ރައީސް ޑރ މުޢިއްޒު ހުށަހެޅުއްވީ އަސްމާ އާއި އަމީޒާގެ ނަމެވެ. އޭގެ ތެރެއިން އިސްކަން ދެއްވާފައި ވަނީ އަމީޒާގެ ނަމެވެ.

އަމީޒާ މިހާރު ހުންނެވީ އެސިސްޓެންޓް ކޮމިޝަނަރ ޖެނެރަލް އެންފޯސްމެންޓްގެ މަޤާމުގަ އެވެ.