Ads by Exprox

ޚަބަރު

ކުރީސަރުކާރުން ސްކޫލެއްގެ މަސައްކަތަށް 16 މިލިއަން ރުފިޔާއަށް ކޮންޓްރެކްޓަރާ ހަވާލުކުރިކަމުގެ ލިޔުންތައް ނެތް!

ކުރީސަރުކާރުން ސްކޫލެއްގެ މަސައްކަތަށް  16 މިލިއަން ރުފިޔާއަށް ކޮންޓްރެކްޓަރާ ހަވާލުކުރިކަމުގެ ލިޔުންތައް ނެތް!

ތަޢުލީީމީ ވަޒީރު ޑރ އިސްމާއިލް ޝަފީޢު. ފޮޓޯ: މަޖިލިސް އިދާރާ

ޙަސްނާ އަޙްމަދް

ޙަސްނާ އަޙްމަދް

06 ނޮވެމްބަރު 2024، 09:03

06 ނޮވެމްބަރު 2024، 09:03

ކުރީ ސަރުކާރުގެ ތަޢުލީމީ ވަޒީރު ޑރ ޢާއިޝަތު ޢަލީގެ ވަޒީރުކަމުގައި މާލެ ސަރަހައްދުގެ ސްކޫލެއްގެ މަސައްކަތް އަވަހަށް ނިންމަން ކޮންޓްރެކްޓަރަކާއި ހަވާލުކުރި 16 މިލިއަން ރުފިޔާގެ އެއްބަސްވުމާއި ބެހޭ އެއްވެސް ލިޔެކިޔުމެއް ނެތް ކަމަށް ތަޢުލީމީ ވަަޒީރު ޑރ އިސްމާޢިލް ޝަފީޢު ވިދާޅުވެއްޖެވެ.

ވަޒީރު އިސްމާޢިލް ޝަފީޢު މިހެން ވިދާޅުވީ މިއަދުގެ ރައްޔިތުންގެ މަޖިލީހުގެ ޖަލްސާގައި ފުވައްމުލަކު ދެކުނު ދާއިރާގެ ޕީއެންސީގެ މެމްބަރު އިބްރާހިމް ހުސައިން ކުރެއްވެވި ސުވާލަކަށް ޖަވާބުދެއްވަމުންނެވެ.

މެމްބަރު އިބްރާހިމް ހުސެއިން ސްކޫލްތަކުގައި ކުރިއަށް ގެންދާ މަސައްކަތްތައް ނުނިމޭ މައްސަލައާއި ގުޅިގެން ކުރެއްވެވި ސުވާލަށް ޖަވާބުދެއްވަމުން ވަޒީރު އިސްމާއިލް ޝަފީޢު ވިދާޅުވީ މާލޭގެ ވަރަށް ބޮޑު ސްކޫލެއްގެ ކޮންޓްރެކްޓަރު ތަޢުލީމީ ވުޒާރާއަށް މީގެ ހަފްތާއެއްހާ ދުވަސް ކުރިން އައިސްފައިވާ ކަމަށެވެ. އަދި ކޮންޓްރެކްޓަރު ވިދާޅުވީ 16 މިލިއަން ރުފިޔާ އެވުޒާރާއިން އެކުންފުންޏަށް ދޭން ޖެހޭ ކަމަށެވެ.

ކުންފުނިން ބުނެފައިވަނީ މަސައްކަތް ކުރީ އެއްބަސް ވެގެންކަމަށެވެ. އެހެން ނަމަވެސް އެއްވެސް ލިޔެކިޔުމެއް ވުޒާރާގައި ނެތް ކަމަށް އެމަނުކުފާނު ވިދާޅުވިއެވެ.

ފައިނޭންސް އެގްޒެކެޓިވްގެ ހުއްދައެއް ނެތް. ބިޑް ކޮމެޓީގެ ހުއްދައެއް ނެތް. ފިނޭންސް މިނިސްޓްރީގެ ހުއްދައެއް ނެތް. މިނިސްޓްރީ އޮފް އެޑިއުކޭޝަން އެއްވެސް މުއާމަލާތެއް ކޮށްފައި އޮތްތޯ ބެލުމަށް އަޅުގަނޑުމެން މަސައްކަތް ކުރިއިރު މިނިސްޓަރު ވަނީ ހުރިހާ އީމެލްތަކެއް ޑިލީޓް ކުރައްވާފައި. އެހެންވީމާ އެކަން ފެންނާނަކަށް ނުއެއް ނެތް. މިއީ ކަންތައްތައް ހުރި ގޮތަކީ 

ތަޢުލީމީ ވަޒީރު ޝަފީޢު ވިދާޅުވިއެވެ.

 

 

 

 

 

މި ލިޔުން ކިޔާލުމުން

Ads by MSS