އެޗްޑީސީގެ ޗެއަރމަނަކަށް ނާސިފް އައްޔަނުކޮށްފި!

ހައުސިންގ ޑިވަލޮޕްމެންޓް ކޯޕަރޭޝަންގެ ޗެއަރމަނަކަށް އަޙްމަދު ނާސިފް އައްޔަނުކޮށްފިއެވެ. 

ނާސިފް އެމަޤާމަށް އައްޔަން ކުރުމުގެ ކުރިން އޭނާ ހުންނެވީ ރީޖަނަލް އެއާޕޯޓްސް ކުންފުނީގެ ޗެއާމަންގެ މަޤާމުގަ އެވެ. އެ ކުންފުނީގެ ޗެއާމަން ކަމަށް އޭނާ އައްޔަންކުރީ މިދިޔަ ޖެނުއަރީ މަހު އެވެ. ނާސިފް ވަނީ 2018 ވަނަ އަހަރު އެޗްޑީސީގެ މެނޭޖިން ޑިރެކްޓަރުކަން ވެސް ކުރައްވައިފަ އެވެ.

ނާސިފް އެމަޤާމަށް އައްޔަނު ކުރި ކަން އެޗްޑީސީގެ އެކްސްގެ ޕޭޖުގައި ވަނީ ހާމަކޮށްފައެވެ. އެކްސްގައި އެޗްޑީސީއިން ކޮށްފައިވާ ޕޯސްޓެއްގައި ބުނެފައިވަނީ ޗެއަރަމަންގެ މަޤާމަށް އައްޔަނު ކުރެއްވުމުން ނާސިފަށް މަރުޙަބާ ކިޔާކަމަށެވެ. އަދި ނާސިފްގެ އިރުޝާދުގެ ދަށުން މަސައްކަތް ކުރުމަށް އިންތިޒާާރު ކުރާ ކަމަށް އެކޯޕަރޭޝަނުން ވަނީ ބުނެފައެވެ. 

Warmest congratulations to our new Chairman, Ahmed Nasif. We look forward to working under your insightful guidance.#WithHDC pic.twitter.com/yWTiFJlSYq

— Housing Development Corporation (@hdcmaldives) November 6, 2024

ނާސިފް އަކީ ކުރީގެ ރައީސް ޢަބްދުﷲ ޔާމީންގެ ވެރިކަމުގައި ތިލަފުށި ކޯޕަރޭޝަން ލިމިޓެޑް (ޓީސީއެލް) އާއި ގްރޭޓާ މާލެ އިންޑަސްޓްރިއަލް ޒޯން ލިމިޓެޑް ކުންފުނީގެ މެނޭޖިން ޑިރެކްޓަރުކަންވެސް ކުރެއްވެވި ބޭފުޅެކެވެ.