މޯލްޑިވިއަންގައި ޑިސެންބަރު މަހު 99 ޑޮލަރަށް ލަންކާއަށް ޖައްސާލެވިދާނެ!

ދިވެހިރާއްޖެ އާއި ސްރީލަންކާއާ ދެމެދު އުދުހޭ މަޤުބޫލު އެއާރލައިނަކަށް ވުމަށް ކުރަމުންދާ މަސައްކަތްތަކުގެ ތެރެއިން، މި އަންނަ މަހު އެންމެ 99 ޑޮލަރަށް ލަންކާއަށް ދެވޭ ފެއަރއެއް މޯލްޑިވިއަން އެއާރލައިނުން ތަޢާރަފްކޮށްފިއެވެ.

މޯލްޑިވިއަންއިން ހާމަކޮށްފައިވާ ގޮތުގައި، ޓިކެޓުގެ އަގު 99 އެމެރިކާ ޑޮލަރުން ފެށޭ މި ޚާއްޞަ ފެއާރގެ ދަތުރުތައް އޮންނާނީ އަންނަ ޑިސެންބަރު މަހުގެ 7 އަދި 9 ވަނަ ދުވަހުއެވެ. މި ފެއަރ ޚާއްޞަކޮށްފައި ވަނީ ހަމައެކަނި ދިވެހިންނަށްކަން ފާހަގަކޮށްލެވެއެވެ.

މި ފެއާރގެ ދަށުން ލިބޭ ބެގޭޖު އެލަވަންސް ވެސް މޯލްޑިވިއަނުން ވަނީ ބޮޑުކޮށްފައެވެ. އެގޮތުން ކޮންމެ މީހަކަށް 35 ކިލޯގެ އެލަވަންސެއް ލިބޭނެއެވެ. 

Enjoy special flights to Colombo! ✈️

Fly on 7 or 9 December 2025 with 35KG for just USD 99

Book your seats now 👉🏽 https://t.co/RqClHLONL0 #MaldivianAero pic.twitter.com/IDRslHlQnS

— MaldivianAero (@MaldivianAero) November 17, 2025

އަދި މި ފެއާރއާއެކު، ލަންކާގެ ދެކޮޅު ޓިކެޓެއްގެ އަގު އަރަނީ ގާތްގަނޑަކަށް 3،400 ރުފިޔާއަށެވެ. އެހެންކަމުން، މިއީ ގިނަ ގޮތްގޮތުން ރާއްޖެއާ ގުޅިފައިވާ ލަންކާއަށް ދަތުރުކޮށްލުމަށް ލިބޭ ރަނގަޅު ފުރުސަތެއްކަން ފާހަގަކޮށްލެވެއެވެ.

މޯލްޑިވިއަނުން ޑިސެމްބަރު ބަންދާއި ދިމާކޮށް ތައިލޭންޑްގެ ބެންކޮކް އަދި މެލޭޝިއާގެ ކުއަލަލަންޕޫރަށް ޚާއްސަ ދަތުރުތަކެއް ކުރުމަށް ނިންމާފައެވެ. މި ދަތުރުތައް އޮންނާނީ ޑިސެމްބަރު އަދި ޖަނަވަރީ މަހުގައެވެ.