ހުޅުމާލެ ފަޅުގައި އޮތް ސަފާރީއެއްގައި ރޯވެ ބޮޑުގެއްލުންތަކެއް

ހުޅުމާލެ ފަޅު ތެރޭގައި އޮތް "ބުލޫވޭގާ" ނަމަކަށް ކިޔާ ސަފާރީއެއްގައި މިއަދު ފިއަދު ފަތިހު ނުރައްކާތެރި އަލިފާނުގެ ޙާދިސާއެއް ހިނގާ އަލިފާން ރޯވެއްޖެއެވެ. މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން މަޢުލޫމާތު ދެއްވި ގޮތުގައި މި ހާދިސާގެ ރިޕޯޓު ލިބިފައިވަނީ މިއަދު ފަތިހު 3:42 ގައެވެ.

އަލިފާން ނިއްވުމަށް އެމްއެންޑީއެފްގެ ފަޔަރ އެންޑް ރެސްކިއު ސަރވިސްގެ އޮފިސަރުން ވަގުތުން ހަރަކާތްތެރިވާން ފަށާފައިވާ ކަމަށް އެމްއެންޑީއެފްއިން ހާމަކުރެއްވިއެވެ. 

އެމްއެންޑީއެފްއިން ހިއްސާކުރެއްވި ފޮޓޯ އަދި ވީޑިއޯ މަންޒަރުތަކުން ފެންނަ ގޮތުގައި ސަފާރީގެ ގިނަ ބައިތަކެއްގައި އަލިފާން ރޯވެފައިވާކަން ފާހަގަކުރެވެއެވެ. މި ހާދިސާއާ ގުޅޭ އިތުރު މަޢުލޫމާތު ލިބުމުން ހިއްސާކުރާނެ ކަމަށް އެމްއެންޑީއެފްއިން ވިދާޅުވެފައިވެއެވެ.

މި ހާދިސާގައި އެއްވެސް މީހަކަށް އަނިޔާވެފައިވޭތޯ އަދި ހާދިސާ ހިނގި ސަބަބު އަދި ވަނީ ހާމަކުރައްވާފައެއް ނުވެއެވެ. އަދި މި ހާދިސާއާ ގުޅިގެން އިތުރު ތަޙްޤީޤުތައް ކުރިއަށްދާނެ ކަމަށް ބެލެވެއެވެ.

ހުޅުމާލެ ފަޅުތެރޭގައި އޮތް "ބުލޫވޭގާ" ނަމަކަށް ކިޔާ ސަފާރީއެއްގައި އަލިފާން ރޯވެގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ދަނީ ހަރަކާތްތެރިވަމުން. މި ހާދިސާގެ ރިޕޯޓް ލިބިފައިވަނީ ރޭ ފަތިހު 03:42 ހާއިރު. pic.twitter.com/zrYGwDim95

— Maldives National Defence Force (@MNDF_Official) November 7, 2024