ޚަބަރު
ރާއްޖޭގައި މީހުން ދިރިއުޅޭ ހުރިހާ ރަށަކަށް ބީއެމްއެލްގެ އޭޓީއެމް ޚިދުމަތް އިފްތިތާޙްކޮށްފި!
ހުރިހާ ރަށަކަށް އޭޓީއެމްގެ ޚިދުމަތް ތަޢާރަފްކުރުމުގެ ރަސްމިއްޔާތު. ފޮޓޯ: ރައީސް އޮފީސް
ރާއްޖޭގައި މީހުން ދިރިއުޅޭ ހުރިހާ ރަށަކަށް ބެންކް އޮފް މޯލްޑިވްސްގެ އޭޓީއެމް ޚިދުމަތް އިފްތިތާޙް ކޮށްފިއެވެ.
ރާއްޖޭގައި މީހުން ދިރިއުޅޭ ހުރިހާ ރަށަކަށް ބީއެމްއެލްގެ އޭޓީއެމް ޚިދުމަތް ދިނުން އިފްތިތާޙް ކޮށްފައިވަނީ މިއަދު ރައީސް އޮފީހުގައި ކުރިއަށް ދިޔަ ރަސްމިއްޔާތެއްގައި ރައީސުލްޖުމްހޫރިއްޔާ ޑރ މުޙައްމަދު މުޢިއްޒެވެ.
ހުރިހާ ރަށަކަށް އޭޓީއެމްގެ ޚިދުމަތް ދިނުމުގެ މަޝްރޫޢުގެ އެއްބަސްވުމުގައި މިއަދު ވަނީ ސޮއިކޮށްފައެވެ. މިއެއްބަސްވުމުގައި އިޤްތިޞާދީ ތަރައްޤީއާއި ވިޔަފާރި އާއި ބެހޭ ވުޒާރާގެ ފަރާތުން ސޮއި ކުރެއްވެވީ ވަޒީރު މުޙައްމަދު ސަޢީދެވެ. ބީއެމްއެލްގެ ފަރާތުން ސޮއިކުރެއްވެވީ އެބޭންކުގެ ސީއީއޯ މުޙައްމަދު ޝަރީފެވެ.
މިކަމަކީ ރައީސް ޑރ މުޢިއްޒުގެ އިޤްތިޞާދީ ދުރުވިސްނުންފުޅުގެ ތެރެއިން ރާއްޖޭގެ އިޤްތިޞާދު ތަރައްޤީ ކުރެއްވުމަށް އެޅުއްވި ވަރުގަދަ ފިޔަވަޅެކެވެ.
މިއަދުން ފެށިގެން މުޅި ރާއްޖޭގައި ބީއެމްއެލްގެ 150 އޭޓީއެމްއަކުން ޚިދުމަތް ދެމުންގެންދާނެއެވެ. މިއަދު ރަސްމީކޮށް ބޭނުންކުރަން ފަށައިފައިވަނީ އދ އޮމަދޫގައި ބެހެއްޓުނު އޭޓީއެމްއެވެ.
