މަގޭ ސާފު ރާއްޖެ: ޕްލެނަރީ ސެޝަނުން ފެނިގެންދިޔައީ ކުނި މެނޭޖުކުރުމަށް ރަށްރަށުން ކުރާ ނަމޫނާ މަސައްކަތްތައް

ރާއްޖެ ސާފުކުރުމަށް އަމާޒުކޮށްގެން ކުރިއަށްގެންދާ "މަގޭ ސާފު ރާއްޖެ ކޮމިއުނިޓީ ޗެމްޕިއަންސް" ޕްރޮގްރާމުގެ ޕްލެނަރީ ސެޝަންއެއް އިއްޔެ މާލޭގައި ބާއްވައިފިއެވެ.

މި ސެޝަންގައި ރާއްޖޭގެ އެކި ކަންކޮޅުތަކުން ތިމާވެށި ރައްކާތެރިކުރުމަށާއި ކުނި މެނޭޖްކުރުމަށް ކުރެވިފައިވާ ނަމޫނާ މަސައްކަތްތަކާއި އެންމެ ރަނގަޅު އުޞޫލުތައް ހުށަހަޅާފައިވާކަމަށް ފަތުރުވެރިކަމާ ތިމާވެށްޓާ ބެހޭ ވުޒާރާއިން ވަނީ ވިދާޅުވެފައެވެ. އެގޮތުން، މި ސެޝަންގެ މައިގަނޑު ބޭނުމަކީ ތިމާވެށި ރައްކާތެރިކުރުމުގައި ރަށްރަށުން ހޯދާފައިވާ ކާމިޔާބީތައް ފާހަގަކޮށް، އެހެން ރަށްތަކަށް ހިތްވަރުދީ، މިފަދަ މަސައްކަތްތައް އިތުރަށް ފުޅާކުރުންކަމަށް އެ ވުޒާރާއިން ވިދާޅުވިއެވެ.

މި ޕްލެނަރީ ސެޝަންގައި، "މަގޭ ސާފު ރާއްޖެ" ޕްރޮގްރާމުގެ ދަށުން ކޮމިއުނިޓީ ޗެމްޕިއަންސްގެ ގޮތުގައި ހޮވިފައިވާ ފަރާތްތަކުން، އެބޭފުޅުންގެ ރަށްރަށުގައި ކުނިބުނި މެނޭޖްކުރުމަށާއި، ތިމާވެށި ރައްކާތެރިކުރުމަށް ހިންގާފައިވާ ޕްރޮގްރާމްތަކުގެ ތަފްސީލު ހުށަހަޅާފައިވާކަމަށްއެ ވުޒާރާއިން ވިދާޅުވިއެވެ. އެގޮތުން، ކުނި ވަކިކުރުމާއި، ރީސައިކަލް ކުރުމާއި، ކޮމްޕޯސްޓް ހެދުމުގެ އިތުރުން، ޢާންމުންގެ ބައިވެރިވުން އިތުރުކޮށް ހޭލުންތެރިކަން ކުރުމަށް ކުރެވުނު މަސައްކަތްތަކަށް ވަރަށް ބޮޑަށް އަލިއަޅުވާލާފައިވާކަމަށް އެ ވުޒާރާއިން މަޢުލޫމާތުދެއެވެ.

މީގެ އިތުރުން، މި ސެޝަންގައި ބައިވެރިވި ފަރާތްތަކުން އެބޭފުޅުންގެ ތަޖުރިބާތައް ހިއްސާކޮށް، ކުރިމަތިވި ގޮންޖެހުންތަކާއި، އެކަންކަމުން އަރައިގަތުމަށް ބޭނުންކުރި އުކުޅުތައް ހިއްސާކޮށްފައިވާކަމަށް އެ ވުޒާރާއިން ވަނީ ވިދާޅުވެފައެވެ. އަދި މި ސެޝަންގެ ސަބަބުން، ރަށްރަށުގެ ތިމާވެށީގެ ކަންކަމަށް އިތުރަށް ހޭލުންތެރިކަން އުފައްދައި، ދެމެހެއްޓެނިވި ގޮތެއްގައި ކުނި މެނޭޖްކުރުމުގެ އާ އުޞޫލުތަކަށް މަގުފަހިވެގެންދާނެކަމަށް އެ ވުޒާރާއިން ވިދާޅުވިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ "ހަފްތާ 14" ރޯޑްމެޕްގައި ތިމާވެށި ރައްކާތެރިކުރުމާއި ކުނި މެނޭޖްކުރުމަށް ބޮޑު އިސްކަމެއް ދެއްވާފައިވާއިރު، މިފަދަ ސެޝަންތަކަކީ އެކަންކަމަށް ހިތްވަރުލިބިގެންދާނެ ކަމެކެވެ.