އަންނަ އަހަރުގެ އަމާޒަކީ 100 އޭޓީއެމް ބެހެއްޓުން: ބީއެމްއެލް ސީއީއޯ ޝަރީފް

ބޭންކް އޮފް މޯލްޑިވްސްގެ އަންނަ އަހަރުގެ އަމާޒަކީ އެބޭންކުގެ 100 އެޓީއެމް ބެހެއްޓުން ކަމަށް އެބޭންކުގެ ސީއީއޯ މުޙައްމަދު ޝަރީފް ވިދާޅުވެއްޖެއެވެ. 

ޝަރީފް މިހެން ވިދާޅުވީ ރާއްޖޭގައި މީހުން ދިރިއުޅޭ ހުރިހާ ރަށަކަށް ބީއެމްއެލްގެ އޭޓީއެމްގެ ޚިދުމަތް ތަޢާރަފްކުރުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ. 

ބީއެމްއެލްގެ ސީއީއޯ ޝަރީފް ވިދާޅުވީ ރާއްޖޭގެ މީހުން ދިރިއުޅޭ ހުރިހާ ރަށެއްގައި އޭޓީއެމްގެ ޚިދުމަތް ފޯރުކޮށްދިނުމަށް ރައީސުލްޖުމްހޫރިއްޔާ ޑރ މުޢިއްޒު ނިންމެވުމާއެކު މި ފެށޭ މަޝްރޫޢުގައި ބީއެމްއެލްއަކީ މުހިންމު ބައިވެރިއއެއް ކަމުގައި ވެގެން ދިއުމަކީ ލިބޭ ވަރަށް ބޮޑު އުފަލެއް ކަމަށެވެ.

މަޝްރޫޢު ކާމިޔާބުކުރުމަށް އަންނަ އަހަރު ނިމެންވާއިރަށް ރާއްޖޭގައި މީހުން ދިރިއުޅޭ ކޮންމެ ރަށެއްގައި ބީއެމްއެލްގެ އޭޓިއެމްގެ ޤާއިމްކުރުމުގެ ލަނޑުދަނޑި ހާސިލްވެގެން ދާނެ އަދި މި މަޝްރޫޢު ނިމުމާއެކު ކޮންމެ ދިވެއްސަކަށް އެމީހެއްގެ ރަށުން ބޭރަށް ދަތުރުކުރަން ނުޖެހި ބޭންކްގެ ޚިދުމަތް ލިބޭނެ 

ޝަރީފް ވިދާޅުވިއެވެ.

ޝަރީފް ވިދާޅުވީ އޭޓީއެމް ޚިދުމަތާއެކުގައި ކޮންމެ ރަށަކުން އޭރުން ފައިސާ ނެގުމާއި ޖަމާކުރުމާއި އެކައުންޓްތަކަށް ފައިސާ ޓްރާންސްފާކުރުމާއި ލޯނަށާއި ކްރެޑިޓް ކާޑަށް ފައިސާ ދެއްކުން ފަދަ މުހިންމު ހިދުމަތްތައް ލިބިގެންދާނެ ކަމަށެވެ.

ޝަރީފް ވިދާޅުވީ މި މަޝްރޫޢަކީ ރާއްޖޭގެ އެކި ކަންކޮޅުތަކުގައި އުޅޭ ރައްޔިތުންނަށް އެހީވުމަށާއި ހުރިހާ ދިވެހިންނަށް މާލީ ތަނަވަސްކަން ލިބޭނެ މަގު ފަހިކުރުމާއި އެކުގައި ޝާމިލްކުރުމަށް ސަރުކާރުން ކުރާ މަސައްކަތުގައި އެބޭންކުން ބައިވެރިވާ ކަމުގެ ހެއްކެއް ކަމަށް ޝަރީފް ވިދާޅުވިއެވެ.

ޝަރީފް ވިދާޅުވީ އޭޓީއެމްގެ ޚިދުމަތް ރާއްޖޭގައި ދޭން ފެށިތާ 25 އަހަރު ފުރޭއިރު، އަމާޒަކީ އަންނަ އަހަރު 100 އަށްވުރެ ގިނަ ރަށުގައި އޭޓީއެމް ބެހެއްޓުން ކަމަށެވެ.

އެ މަސައްކަތް ކުރިއަށް ގެންދާނީ ފިޔަވަހިތަކަކަށް ބަހާލައިގެން ކަމަށާއި އެގޮތުން ފުރަތަމަ ފިޔަވަހީގައި 17 ރަށުގައި އޭޓީއެމް ބެހެއްޓޭނެ ކަމަށް އޭނާ ވިދާޅުވިއެވެ. 

 އެ ރަށްރަށުގައި ބަހައްޓާނެ އޭޓީއެމް ރާއްޖެ ގެނައި ނަމަވެސް އޭޓީއެމް ބެހެއްޓުމަށް ވަރަށް ގިނަ މަސައްކަތް ހުރުމާއެކު އަންނަ އަހަރު މާޗް މަހުގެ 31 ވަނަ ދުވަހުގެ ކުރިން އެ މަސައްކަތް ނިންމާލެވޭނެ ކަމަށް ޝަރީފް ވިދާޅުވިއެވެ.

އަދި ބާކީ ހުރި އޭޓީއެމްތައް ވެސް އަންނަ އަހަރުގެ ޑިސެމްބަރު މަހުގެ 31 ވަނަ ދުވަހުގެ ކުރިން ބަހައްޓާ ނިމޭނެ ކަމަށާއި 2025 ނިމޭއިރު ބީއެމްއެލްގެ އޭޓިއެމްގެ އަދަދު 250 އަށްވުރެ ގިނަވާނެ ކަމަށް ޝަރީފް ވިދާޅުވިއެވެ.