ޕޮލިޓެކްނިކްގެ ދަރިވަރުންނަށް އިންޓާންޝިޕްގެ ފުރުސަތުދެނީ!

މޯލްޑިވްސް ޕޮލިޓެކްނިގެ ދަރިވަރުންނަށް ލިއޯ ކުންފުނީގެ އިންޓާންޝިޕްގެ ފުރުސަތުތައް ދިނުމަށް އެއްބަސްވުމެއްގައި ސޮއިކޮށްފިއެވެ. 

މި އެއްބަސްވުމުގައި، މޯލްޑިވިސް ޕޮލިޓެކްނިކްގެ ފަރާތުން ސޮއި ކުރެއްވީ އެ އިދާރާގެ ސީއީއޯ، ޒޫޝާން ކަމާލުއްދީނެވެ. އަދި ލިއޯ ޓްރޭޑިންގ ކުންފުނީގެ ފަރާތުން މި އެއްބަސްވުމުގައި ސޮއިކޮށްފައިވަނި އެ ކުންފުނީގެ ޖެނެރަލް މެނޭޖަރ، މިޒާލް މުޙައްމަދެވެ.

Memorandum of Understanding (MoU) Between Leo Trading Private Limited and Maldives Polytechnic

This MoU establishes a partnership between Leo Trading and Maldives Polytechnic to provide tailored technical training and develop a skilled workforce.@leotradingmv pic.twitter.com/wGj8Uz9PPf

— Maldives Polytechnic (@MVPolytechnic) November 7, 2024

ޕޮލިޓެކްނިކް އަދި ލިއޯ ކުންފުންޏާއި ދެމެދު ވެވުނު މި އެއްބަސްވުމުގެ ދަށުން، ރާއްޖޭގެ ލޮޖިސްޓިކްސް ދާއިރާއަށް 22 އަހަރު ހިދުމަތްކޮށްދެއްވާފައިވާ، ލިއޯ ޓްރޭޑިންގ ކުންފުނީގައި އުޖޫރައަކާއިއެކު، އިންޓާންޝިޕް ފުރިހަމަކޮށް، އަމަލީ ތަޖުރިބާ ހާސިލުކުރުމުގެ ފުރުސަތު ޕޮލިޓެކްނިކްގައި ތަމްރީނުވަމުންދާ ދަރިވަރުންނަށް ވަނީ ހުޅުވާލެވިފައެވެ.

މޯލްޑިވްސް ޕޮލިޓެކްނިކުން އަންނަނީ ރާއްޖެއަށް ބޭނުންވާ ދާއިރާތަކުން މީހުން ބިނާކުރުމަށް ގިނަ މަސައްކަތްތަކެއްކުރަމުންނެވެ. އެގޮތުން އަމިއްލަ ކުންފުނިތަކާއި އެކު، ޖަމިއްޔާ ޖަމާަތްތަކާއި ގުޅިގެންވެސް ތަފާތު އެކި ޕްރޮގްރާމްތައް އަންނަނީ ރާވާ ހިންގަމުންނެވެ.