މާލީ ގޮތުން އަރައިގަންނަން ބޮޑެތި ގޮންޖެހުންތަކެއް ހުރި ނަމަވެސް އެގޮންޖެހުންތަކުން އަރައިގަންނަން ދަނީ މަސައްކަތްކުރަމުން!

މިސަރުކާރަށް މާލީ ގޮތުން އަރައިގަންނަން ބޮޑެތި ގޮންޖެހުންތަކެއް ހުރި ނަަމަވެސް އެގޮންޖެހުންތަކުން އަރައިގަންނަން މަސައްކަތްތަކެއް ކުރެވުމުންދާ ކަމަށް އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވިދާޅުވެއްޖެއެވެ. 

ވަޒީރު ސަޢީދު މިހެން ވިދާޅުވީ ރާއްޖޭގެ ހުރިހާ ރަށަކަށް ބޭންކް އޮފް މޯލްޑިވްސް (ބީއެމްއެލް)ގެ އޭޓީއެމް ޚިދުމަތް ފޯރުކޮށްދިނުމަށް ކުރިއަށްގެންދާ މަޝްރޫއު އިފްތިތާހުކުރުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ. 

އިޤްތިޞާދީ ތަރައްޤީއާ ބެހޭ ވަޒީރު ސަޢީދު ވިދާޅުވީ މި ސަރުކާރަށް މިވީ މުއްދަތުގައި ބޮޑެތި އުސް އިމާރަތްތަކެއް އަދި ލޮލަށް ފެންނަން ނެތް ނަމަވެސް އިޤްތިޞާދު ހަމަމަގަށް އެޅުވުމަށް ގިނަ މަސައްކަތްތަކެއް ކުރައްވަމުން ގެންދަވާ ކަމަށެވެ. 

ވަޒީރު ސަޢީދު ވިދާޅުވީ ފާއިތުވީ ފަސް އަހަރު ކެބިނެޓު ޖަލްސާތައް ނުބާއްވާ ޢަދަދަށް މި ފާއިތުވީ 52 ހަފްތާގެ ތެރޭގައި ކެބިނެޓް ޖަލްސާ ބާއްވާފައިވާ ކަމަށެވެ.

ފާއިތުވި ފަސް އަހަރު ނިމިގެން ދިޔައިރު، ރާއްޖޭގެ އާމްދަނީއަށް އިތުރުވާނެ އޮއްޓަރު ހުރި އެއްވެސް އެސެޓެއް ނުފެންނަ ކަމަށް ވަޒީރު ސަޢީދު ވިދާޅުވިއެވެ.

ފަސް އަހަރެއް ނިމިގެން މިދިޔައީ 2019 އިން 2013 އަށް ފިޒިކަލް ރާއްޖޭގެ އާމްދަނީއަށް އިތުރުވާނެ އެއްވެސް އޮއްޓަރު ހުރި އެސެޓެއް ނުފެނޭ. ބިޔަ ބޮޑު ނުރައްކާތެރި ދަރަންޏެއް އުފެދިފައި. އެދަރަނި ރައީސް ޑރ މުޢިއްޒުގެ ސަރުކާރަށް ވާރުތަވެފައި. ހަމައެކަނި ދަރަންޏެެއް ނޫން. ފެއިލްވެފަ އޮތް މާލީ ނިޒާމަކާ އަދި މަނިޓަރީ ސިޔާސަތަކާ އައިސް އެބަހުރި، އިޖުތިމާޢީ ގޮތުން އައިސް ހުރި ގޮންޖެހުންތަކެއްވެސް އެބަހުރި 

ވަޒީރު ސަޢީދު ވިދާޅުވިއެވެ.

އެމަނިކުފާނު އިތުރަށް ވިދާޅުވީ މި ސަރުކާރަށް މާލީ ގޮތުން އަރައިގަންނަން ބޮޑެތި ގޮންޖެހުންތަކެއް ހުރި ނަމަވެސް އެގޮންޖެހުންތަކުން އަރައިގަންނަން މަސައްކަތް ކުރަމުންދާ ކަމަށާއި، އެގޮތުން އަންނަ އަހަރުގެ ތެރޭގައި ޕޭޕަލްގެ ޚިދުމަތްވެސް އަންނާނެ ކަމަށެވެ.