ހުޅުމާލޭގައި ޤަވާޢިދާ ޚިލާފަށް އުޅެމުން ދިޔަ 9 ބިދޭސީއަކު އިމިގްރޭޝަންގެ ބެލުމުގެ ދަށަށް

ޤަވާއިދާ ޚިލާފަށް ދިވެހިރާއްޖޭގައި އުޅެމުން ދިޔަ 9 ބިދޭސީއަކު، އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.

މޯލްޑިވްސް އިމިގްރޭޝަނުން ހާމަކުރި ގޮތުގައި، ޤަވާޢިދާ ޚިލާފަށް ރާއްޖޭގައި އުޅޭ ބިދޭސީންނާ ދެކޮޅަށް، ޓާސްކްފޯސްއިން ޚާއްޞަ ރެއިޑް އޮޕަރޭޝަނެއް ރޭގައި ވަނީ ކުރިއަށް ގެންގޮސްފައެވެ.

އިމިގްރޭޝަނުން ބުނީ، ހުޅުމާލޭގައި ކުރިއަށް ގެންދެވުނު މި އޮޕަރޭޝަނުގައި 9 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށެވެ.

ނުޤަވާޢިދަށް ރާއްޖޭގައި ދިރިއުޅޭ ބިދޭސީންގެ މައްސަލައަށް އަވަސް ޙައްލެއް ހޯދުމަށް، އިމިގްރޭޝަނުން ދަނީ މިފަދަ ގިނަ އޮޕަރޭޝަންތައް ހިންގަމުންނެވެ. އެ ގޮތުން، މި އަހަރުގެ ތެރޭގައި ހިންގި ރެއިޑް އޮޕަރޭޝަންތަކުގައި ޤަވާޢިދާ ޚިލާފަށް އުޅޭ ގިނަ ބިދޭސީންތަކެއް ހައްޔަރުކޮށް، ބައެއް ބިދޭސީން އަނބުރާ ޤައުމަށް ވެސް ވަނީ ފޮނުވާލާފައެވެ.

ގަވާއިދާ ހިލާފަށް ރާއްޖޭގައި އުޅޭ ބިދޭސީންނަށް އަމާޒުކޮށް، ޓާސްކްފޯސްއިން ރޭގައި ވަނީ ހާއްސަ ރެއިޑް އޮޕަރޭޝަނެއް ހިންގާފައި. ހުޅުމާލޭގައި ކުރިއަށް ގެންދެވުނު މި އޮޕަރޭޝަންގައި، 9 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެނެވިފައި.@HomeMinistrymv @min_mohst @PoliceMv pic.twitter.com/Ppsy7hPp3d

— Maldives Immigration (@ImmigrationMV) November 30, 2025