"ސިލޯނާއެކު ދިވެހީން": ވެމްކޯ އާއި އެޗްޑީސީއިން އެއް ލައްކަ ރުފިޔާ ރުފިޔާ ހަދިޔާކޮށްފި

ޕަބްލިކް ސަރވިސް މީޑިއާ (ޕިއެސްއެމް)އިން އިސްނަގައިގެން ރާއްޖޭގެ މީޑިއާތަކާ ގުޅިގެން ކުރިއަށް ގެންދާ "ސިލޯނާއެކު ދިވެހީން" ޓެލެތޯނަށް، ވޭސްޓް މެނޭޖުމެންޓް ކޯޕަރޭޝަން ލިމިޓެޑް (ވެމްކޯ) އާއި ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)އިން އެއް ލައްކަ ރުފިޔާ ހަދިޔާކޮށްފިއެވެ.

މި ޓެލެތޯންގައި ސަރުކާރުގެ އެކި އިދާރާތަކާއި ސަރުކާރު ހިއްސާވާ ކުންފުނިތަކުގެ އިތުރުން އަމިއްލަ ކުންފުނިތަކުންވެސް އަންނަނީ އެހީތެރިކަން ފޯރުކޮށްދެމުންނެވެ.

އެގޮތުން ސަރުކާރު ޙިއްސާވާ މި ދެ ކުންފުނީގެ މުވައްޒަފުންގެ ފަރާތުން ވެސް މިވަނީ މި ޓެލެތޯންގައި ބައިވެރިވެފައެވެ.

މިއަދު ހެނދުނު 9:00ގައި ފެށި މި ޓެލެތޯން، މިރޭގެ މެންދަމު 1:00އާ ހަމައަށް ކުރިޔަށް ގެންދިއުމަށް ވަނީ ހަމަޖެހިފައެވެ.

މިހާތަނަށް ލިބިފައިވާ ފައިސާގެ ތެރެއިން، ބޭންކް އޮފް މޯލްޑިވްސް (ބީއެމްއެލް)އިން މި ޓެލެތޯންއަށް ޚާއްސަކޮށްފައިވާ ދިވެހި ރުފިޔާ އެކައުންޓަށް ވަނީ 1.5 މިލިޔަނަށްވުރެ ގިނަ ރުފިޔާ ލިބިފައެވެ. އަދި ޑޮލަރު އެކައުންޓަށް 37 ހާހަށްވުރެ ގިނަ ޑޮލަރު ލިލިބިފައިވާކަމަށް މަޢުލޫމާތު ލިބެއެވެ.

މީޑިއާ ޓެލެތޯންއަށް އެހީތެރިކަން ފޯރުކޮށްދިނުމަށް ބޭނުންވާ ފަރާތްތަކުން ބީއެމްއެލްގެ އެކައުންޓްތަކަށް ފައިސާ ޖަމާކުރުމުގެ ފުރުސަތުވަނީ ހުޅުވާލާފައެވެ. މީގެ އިތުރުން މާލޭގެ ޓީވީ ބިލްޑިންގާއި އެކި ސަރަޙައްދުތަކުގައި ބަހައްޓާފައިވާ ފޮށިތަކަށްވެސް އެހީތެރިކަން ފޯރުކޮށްދެވޭނެއެވެ.