ޚަބަރު
އދ.ދިގުރަށުގައި ސްނޯކްލިންގ އަށް ގޮސްއުޅުނު 15 އަހަރުގެ ޓުވަރިސްޓަކު މަރުވެއްޖެ!
އދ.ދިގުރަށް.
އދ.ދިގުރަށުގައި ސްނޯކްލިންގ އަށް ގޮސް އުޅުނު 15 އަހަރުގެ ޓުވަރިސްޓަކު މަރުވެއްޖެއެވެ.
ދިވެހި ފުލުހުންގެ ޚިދުމަތުން ބުނެފައިވަނީ ނިޔާވެފައި ވަނީ އދ. ދިގުރަަށް ވޭލް ޝާކް ރިސާޗް އެއް ހެދުމަށް ސްޓަޑީ ޓުއަރ އަކަށް ގޮސް އުޅުނު ޓީމެއްގެ ކުއްޖެއްކަށެވެ. އަދި އެއީ ސިންގަޕޫރުގެ 15 އަަހަަރުގެ އަންހެން ކުއްޖެއްކަަމަށް ފުލުހުން ވަނީ ބުނެފައެވެ.
އަދި އެކުއްޖާ މަރުވެފައިވަނީ ސްނޯކްލިންގ އަށް ގޮސް އުޅެނިކޮށް ކަމަށާއި ސްނޯކްލިންގ އަށް ގޮސް ދޯނިން މޫދަށް ފުންމާލި ވަގުތު ދޯނީގެ ބުރަފަތީގައި ޖެހި ވަރަށް ބޮޑެތި ޒަޚަމްތަކެއް އޭނާ އަށް ލިބުނު ކަމަށެވެ.
ޒަޚަމްވެގެން އެރަށު ޞިއްޙީ މަރުކަޒަށް ގެންގޮސްފައިވާ ކަމަށާއި، އެކަމުގެ މަޢުލޫމާތު ފުލުހުންނަށް ލިބިފައިވަނީ މިއަދު ހެނދުނު 9:55 ގައި ކަމަށެވެ.
ދިގުރަށު ހެލްތް ސެންޓަރަށް ހަވާލާދީ ފުލުހުން ބުނެފައިވަނީ ހެލްތް ސެންޓަރަށް ގެންދިޔައިރުވެސް އެކުއްޖާ މަރުވެފައިވާ ކަމަށެވެ. ފުލުހުން އިތުރަށް ބުނެފައިވަނީ މިމައްސަލަ އިތުރަށް ތަހުޤީޤު ކުރަމުންެ އަންނަ ކަމަށެވެ.
