ހެލްތު އެކްސްޕޯ 2024: ސިއްޙީ ހޭލުންތެރިކަން އިތުރުކުރުމަށް ބޮޑު ކާމިޔާބެއް

 ހެލްތު އެކްސްޕޯ 2024 ގައި ގިނަ އަދަދެއްގެ ރައްޔިތުން ބައިވެރިވެ، ސިއްޙީ ދާއިރާގެ މުހިންމު މަޢުލޫމާތު ހޯދައިފިއެވެ.

މި އެކްސްޕޯގައި ސިއްޙަތާ ގުޅުންހުރި ގިނަ މުއައްސަސާތަކުން ބައިވެރިވިއެވެ. މީގެ ތެރޭގައި އެމްއެފްޑީއޭ، އައިކެއަރ، އެސްޓީއޯ، މޯލްޑިވްސް ތެލެސީމިއާ ސޮސައިޓީ، ހުޅުމާލެ ހޮސްޕިޓަލް، އެޗްޕީއޭ އަދި އައިޖީއެމްއެޗްގެ އިތުރުން އެހެނިހެން ސިއްޙީ ޚިދުމަތްދޭ ތަންތަން ހިމެނެއެވެ.

އެކްސްޕޯގައި ސިއްޙީ މަޢުލޫމާތު ފޯރުކޮށްދިނުމުގެ އިތުރުން، ކުޑަކުދިންނަށް ޚާއްޞަ ކުޅިވަރުތަކާއި ގޭމްތައް ކުޅުމުގެ ފުރުޞަތު ދެވުނެވެ. އަދި ގިނަ އަދަދެއްގެ އިނާމު ކުޑަކުދިންނަށް ލިބުނެވެ. މީގެ އިތުރުން، ތެލެސީމިއާ ވަގުތުން ޓެސްޓުކުރުމާއި، ޑޮކްޓަރުންނަށް ހިލޭ ދެއްކުމުގެ ފުރުޞަތު ވެސް ލިބުނެވެ.

އެކްސްޕޯގެ އެންމެ ފާހަގަކޮށްލެވޭ ކަންތައްތަކުގެ ތެރޭގައި މަދިރި އުފެދި ބޮޑުވާ މަރުޙަލާތައް ދައްކުވައިދޭ ސްޓޯލްއާއި، ޖަރާސީމު މައިކްރޯސްކޯޕްގެ ދަށުން ބެލުމުގެ ފުރުޞަތު ލިބުނު ކަން ހިމެނެއެވެ.

މިފަދަ އެކްސްޕޯތަކަކީ އާންމުންނަށް ސިއްޙީ މަޢުލޫމާތު ފޯރުކޮށްދިނުމަށް ވަރަށް މުހިންމު ކަމެއް,މިފަދަ ހަރަކާތްތަކުން އަޅުގަނޑުމެންނަށް ގިނަގުނަ މަޢުލޫމާތު ލިބި، ސިއްޙީ ދުޅަހެޔޮކަމަށް އަހުލުވެރިވުމަށް މަގުފަހިވޭ  

އެކްސްޕޯ އަށް ޒިޔާރަތްކުރި އާމިނަތު ޝަރީފާއެވެ.

މިއަހަރުގެ އެކްސްޕޯއަށް ލިބުނު ތަރުޙީބާއި ބައިވެރިވި މީހުންގެ އަދަދުން ފާހަގަކޯށްލެވޭހާ ބޮޑެވެ. މިކަމުން ރައްޔިތުން ސިއްޙަތަށް ދޭ އަހައްމިއްޔަތުކަން ދައްކުވައިދިނެވެ.