ބުރިޖު މަތިން ހިނގި އެކްސިޑެންޓަކާ ދިމާވުމުން، އަނިޔާވި މީހުން ދާޚިލީ ވަޒީރުގެ ރަސްމީ ކާރުކޮޅުގައި ހޮސްޕިޓަލަށް ގެންގޮސްދީފި

ސިނަމާލެ ބުރިޖު މަތިން ދެ ސައިކަލެއް ޖެހި ހިނގި އެކްސިޑެންޓަކާ ދިމާވުމުން، އަނިޔާވި މީހުން ދާޚިލީ ސަލާމަތާއި ފަންނިއްޔަތާ ބެހޭ ވަޒީރު، ޢަލީ އިޙްސާންގެ ރަސްމީ ކާރުކޮޅުގައި ހޮސްޕިޓަލަށް ގެންގޮސްދީފިއެވެ.

މިއީ މިރޭގެ 18:30 ހާއިރު ހިނގި އެކްސިޑެންޓެކެވެ. މި އެކްސިޑެންޓުގައި އަނިޔާވީ ދެ ސައިކަލުގައި ތިބި ދެ މީހުންނަށެވެ. 

މި އެކްސިޑެންޓުގައި އަނިޔާވި ދެ މީހުންގެ ތެރެއިން އެކަކުގެ މޫނު މަތި ވަނީ ފަޅައިގެން ގޮސްފައެވެ. އަދި ދެ މީހުންގެ ހަށިގަނޑުގެ އެކި ތަންތަނުން މަށައިގެން ގޮސްފައި ވެސް ވެއެވެ. މީގެ އިތުރުން ދެ މީހުން ދުއްވަން ބޭނުންކުރި ސައިލަކްތަކަށް ވެސް ވަނީ އެކިވަރުގެ ގެއްލުންތައް ލިބިފައެވެ. 

މި އެކްސިޑެންޓު ހިނގާވެފައި އޮތް ވަގުތު އެ ތަނަށް ދެވުމުން، ވަޒީރު އިޙްސާން ވަނީ ކާރުކޮޅުން ނިކުމެވަޑައިގެން އަނިޔާވު ކުދިންނަށް އެހީތެރިކަން ފޯރުކޮށްދީފައެވެ.