އިހަވަންދިއްޕޮޅުގެ އިޤްތިޞާދީ މަޝްރޫޢު ތަރައްޤީކުރުމަށް ސިންގަޕޫރު ކުންފުންޏަކާއެކު އެއްބަސްވުމުގައި ސޮއިކޮށްފި

އިހަވަންދިއްޕޮޅުގައި ތަރައްޤީކުރާ މޯލްޑިވްސް އިކޮނޮމިކް ގޭޓްވޭގެ މަޝްރޫޢުގެ ދަށުން ބަނދަރާއި އެކަމާ ގުޅުންހުރި ޚިދުމަތްތައް ތަރައްޤީކުރުމުގެ މަސައްކަތްތަކެއް ސިންގަޕޫރުގެ ކުންފުންޏަކާ ހަވާލުކުރުމަށް މިއަދު ފްރޭމްވޯކް އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގައި މޯލްޑިވްސް އިންޑަސްޓްރިއަލް ޑިވެލޮޕްމަންޓު ފްރީ ޒޯންގެ ފަރާތުން ސޮއިކުރެއްވީ މެނޭޖިން ޑިރެކްޓަރު ޝިމާދު އިބްރާހީމެވެ. އަދި ސިންގަޕޫރުގެ ކެޕިޓަލް އޭޝިއާ އިންވެސްޓުމަންޓު (ސީއޭއައި)ގެ ފަރާތުން ސޮއިކުރެއްވީ ޗީފް ކޮމާޝަލް އޮފިސަރު ޓަން ކުން ޗިއާއޯ ޖޯޖްއެވެ.

އިކޮނޮމިކް މިނިސްޓްރީން މަޢުލޫމާތު ދެއްވިގޮތުގައި، މި އެއްބަސްވުމުގެ ދަށުން އިހަވަންދިއްޕޮޅު ސަރަހައްދު ވިޔަފާރިއާއި ލޮޖިސްޓިކްސް ހަބަކަށް ބަދަލުކުރުމަށް ސަރުކާރުން ރާވާފައިވާ ޕްލޭނާ އެއްގޮތަށް، މޯލްޑިވްސް ގޭޓްވޭ މަޝްރޫޢުގެ ސްކޯޕާއި ފިޔަވަހިތައް ތަރައްޤީކުރުމަށް ބޭނުންވާ ޕްލޭން އެކުލަވާލާނެއެވެ. އަދި ފައިނޭންޝަލް އެސެސްމެންޓް ހެދުމާއި މަޝްރޫޢު ކުރިއަށްގެންދިއުމަށް ބޭނުންވާ މުހިންމު ކޮމާޝަލް ޓާމްސް ކަނޑައެޅުމަށް ދެ ފަރާތުން ގުޅިގެން މަސައްކަތްކުރާނެއެވެ.

އެއްބަސްވުމުގައި ސޮއިކުރުމުގެ ރަސްމިއްޔާތުގައި އިކޮނޮމިކް މިނިސްޓަރު މުޙައްމަދު ސައީދު ވިދާޅުވީ މިއީ ތާރީޚީ އެއްބަސްވުމެއް ކަމަށާއި، އިޤްތިޞާދު ސިންދަފާތުކުރުމަށް ރައީސް ޑރ. މުޙައްމަދު މުޢިއްޒު ކަނޑައަޅުއްވާފައިވާ އަމާޒަށް ވާސިލުވުމަށް މުހިންމު ފިޔަވަޅެއް ކަމަށެވެ.

މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯންގެ މެނޭޖިން ޑިރެކްޓަރު ޝިމާދު އިބްރާހީމް ވިދާޅުވިގޮތުގައި، މި އެއްބަސްވުމުގެ ދަށުން ފީސިބިލިޓީ ސްޓަޑީތަކާއި ޓެކްނިކަލް މަސައްކަތްތަކާއި އިހަވަންދިއްޕޮޅުގައި މެރިޓައިމް ޚިދުމަތްތައް ފެށުމަށް ސީއޭއައިއިން އިންވެސްޓްކުރާނެއެވެ. އަދި ކުރިއަށް އޮތް ހަ މަސްދުވަހުގެ ތެރޭގައި 100 މިލިއަން ޑޮލަރުގެ ފެސިލިޓީއެއް ހަމަޖެއްސުމުގެ މަސައްކަތް ފަށާނެ ކަމަށް އޭނާ ވިދާޅުވިއެވެ.

މި މަޝްރޫޢަކީ ރާއްޖޭގެ އިޤްތިޞާދަށް އިންޤިލާބީ ބަދަލެއް ގެނައުމުގެ މަޤްޞަދުގައި ކުރިއަށްގެންދާ މަޝްރޫޢެއްކަން ފާހަގަކޮށްލެވެއެވެ. މިދިޔަ ސެޕްޓެމްބަރު މަހު އިހަވަންދިއްޕޮޅުގައި ވަނީ ރަސްމީކޮށް ބަންކަރިންގެ ޚިދުމަތް ފަށައިފައެވެ.

އިކޮނޮމިކް މިނިސްޓަރު މުޙައްމަދު ސައީދު ވިދާޅުވިގޮތުގައި، ކުރީގެ ބައެއް ސަރުކާރުތަކުން ވެސް އިހަވަންދިއްޕޮޅުގައި މެރިޓައިމް ޚިދުމަތްތައް ދޭން ރޭވި ނަމަވެސް އެކަން ކާމިޔާބުވެފައި ނުވެއެވެ. ނަމަވެސް މިހާރުގެ ރައީސް ޑރ. މުޙައްމަދު މުޢިއްޒަކީ ޒުވާން، ތަޢުލީމީ އަދި އިންޖިނިއަރެއްގެ ތަޖުރިބާ ހުރި ބޭފުޅެއްކަން ފާހަގަކުރެއާހަގަކުރެއްވިއެވެ.

މި މަޝްރޫޢުގެ ދަށުން އިހަވަންދިއްޕޮޅުގައި މެރިޓައިމް ޚިދުމަތް ދިނުމަށް ބޭނުންވާ ބިމާއި ބަނދަރާއި ކީވޯލްއާއި ވެއަރހައުސްގެ އިތުރުން ފަތުރުވެރިކަމާއި ރިއަލް އެސްޓޭޓް ޚިދުމަތްތައް ފެށުމަށް ވަނީ ރޭވިފައެވެ.

ޝިމާދު އިބްރާހީމް ވިދާޅުވިގޮތުގައި، މި ޕާޓްނަރޝިޕަކީ ކާމިޔާބު ޕާޓްނަރޝިޕަކަށް ވާނެ ކަމަށް އުއްމީދުކުރެވޭ ކަމަށާއި، މޯލްޑިވްސް އިކޮނޮމިކް ގޭޓްވޭއަކީ ރާއްޖޭގެ އިޤްތިޞާދު ކުރިއަރުވައި އިތުރު ހަރުފަތަކަށް ގެންދާނެ ސްޓްރެޓީޖިކް އިންވެސްޓްމަންޓަކަށް ވާނެ ކަމަށް އުއްމީދުކުރެވެއެވެ.

މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން އުފައްދާފައިވަނީ ޓްރާންޝިޕްމަންޓާއި ރީއެކްސްޕޯޓް ވިޔަފާރިއަށް ޚާއްޞަކޮށްގެން، އެސްޓީއޯ، އެމްޕީއެލް، އެމްއޭސީއެލް، އާބަންކޯ އަދި އެމްޓީސީސީ ގުޅިގެންނެވެ.

ފާހަގަކޮށްލެވޭ ކަމަކީ، ކުރީގެ ރައީސް ޢަބްދުﷲ ޔާމީންގެ ސަރުކާރުން ވެސް "އައިހެވަން" ގެ ނަމުގައި އިހަވަންދިއްޕޮޅުގައި އިންޓަގްރޭޓެޑް ޕްރޭޓެޑް ޕްރޮޖެކްޓެއް ހިންގަން އިޢުލާނުކޮށްފައިވާކަމެވެ. އެ މަޝްރޫޢުގައި ބަނދަރަކާއި އެއަރޕޯޓަކާއި ބަންކަރިންގެ ޚިދުމަތާއި ޝޮޕިންގ މޯލްތަކުގެ އިތުރުން ރިއަލް އެސްޓޭޓާއި ޓޫރިސްޓު ރިސޯޓު ތަރައްޤީކުރަން އޮތީ ހިމަނައިފައެވެ. ނަމަވެސް އެ ޕްރޮޖެކްޓު ކުރިއަށްގެންދާނެ އިންވެސްޓަރަކު ލިބިފައެއް ނުވެއެވެ.

މި އައު އެއްބަސްވުމާއެކު، އިހަވަންދިއްޕޮޅުގެ އިޤްތިޞާދީ މަޝްރޫޢު އައު މަރުޙަލާއަކަށް ވަދެ، ރާއްޖޭގެ އިޤްތިޞާދީ ތަރައްޤީއަށް މުހިންމު ބަދަލުތަކެއް އަންނާނެކަމަށް އުއްމީދުކުރެވެއެވެ.