އައްޑޫގައި ކުރިއަށްދާ ބޮޑީބިލްޑިންގ މުބާރާތް ހުއްޓާލުމަށް އަލީ ރަމީޒް ގޮވާލައިފި

އައްޑޫ ސިޓީގައި މިވަގުތު ކުރިއަށްދާ ބޮޑީބިލްޑިންގ މުބާރާތަކީ ލާދީނީ އަދި ފާޙިޝް ޢަމަލުތަކެއް ކަމަށް ބުނެ، އެ ހަރަކާތްތައް ވަގުތުން ހުއްޓާލުމަށް  އަލީ ރަމީޒް ވަނީ ގޮވާލައިފައެވެ.

އަލީ ރަމީޒް އޭނާގެ އެކްސް  އެކައުންޓުގައި ކުރެއްވި ޕޯސްޓެއްގައި ވިދާޅުވެފައިވަނީ، އައްޑޫ ސިޓީގައި ބޮޑީބިލްޑިންގގެ ނަމުގައި އަންހެނުންނާއި ފިރިހެނުން އޮރިޔާމުން ސްޓޭޖް މަތީގައި ދައްކަމުންދާ މަންޒަރުތަކަކީ އިންތިހާއަށް ކުށްވެރިކުރާ ކަމެއް ކަމަށެވެ. އަދި މި ހަރަކާތްތައް ހަމަ މިހާރުން މިހާރަށް ހުއްޓުވުމަށް ސަރުކާރަށް ގޮވާލައްވާފައިވެއެވެ.

މީގެ އިތުރުން، މި ލާދީނީ ހަރަކާތް ރާވައި ހިންގާ ފަރާތްތަކާ މެދު ހަރުކަށި ފިޔަވަޅު އެޅުމަށްވެސް އަލީ ރަމީޒް ވަނީ އެދިވަޑައިގެންފައެވެ. އަދި މި ހަރަކާތާ ގުޅޭ އެއްވެސް ފޮޓޯއެއް ނުވަތަ ވީޑިއޯއެއް އޭނާގެ ޕޯސްޓުގެ ކޮމެންޓުގެ ގޮތުގައި ޝެއަރ ނުކުރެއްވުމަށް އާންމުންނަށް އިލްތިމާސް ކުރައްވާފައިވެއެވެ.

Bodybuilding ge namuga Addu city gai mivaguthu kuriyah gendhanee laadheenee faahish nubai harakaaiy thakeh. pic.twitter.com/SYtf0BBYCy

— Ali Rameez (@aliramyz) November 10, 2024