މާލޭ ތޮއިބާ މިސްކިތް ހުންނަ ސަރަޙައްދުން ކަރަންޓުގެ ޚިދުމަތް ކެނޑިއްޖެ

މާލޭ ތޮއިބާ މިސްކިތް ހުންނަ ސަރަޙައްދުން ކަރަންޓުގެ ޚިދުމަތް މެދުކެނޑިއްޖެ އެވެ.

މިކަމާއި ގުޅިގެން ސްޓޭޓް އިލެކްޓްރިކް ކޮމްޕެނީ ލިމިޓެޑް، ސްޓެލްކޯ އިން ވިދާޅުވީ އެކުންފުނީގެ ކަރަންޓުގެ ވިއުގައިގައި ހިމެނޭ ލޯ-ވޯލްޓޭޖް ކޭބަލަކަށް ގެއްލުންވެ، ތޮއިބާ މިސްކިތް ހުންނަ ސަރަޙައްދުން ކަރަންޓުގެ ޚިދުމަތް މެދުކެނޑިފައިވާ ކަމަށެވެ.

ހަމަ އެހެންމެ، ކޭބަލަށް ދިމާވި މައްސަލަ ދެނެގަނެ، ވީ އެންމެ އަވަހަކަށް އެ މައްސަލަ ޙައްލުކޮށް، ކަރަންޓުގެ ޚިދުމަތް އަލުން ދިނުމުގެ މަސައްކަތްތައް ކުރެވެމުންދާކަމަށް ސްޓެލްކޯއިން މަޢުލޫމާތުދެއެވެ.

ކަރަންޓު ދިޔުމުގެ ސަބަބުން ދިމާވާނެ ދަތިތަކަށް ސްޓެލްކޯއިން ވަނީ ކަސްޓަމަރުންގެ ކިބައިން މަޢާފަށް އެދިފައެވެ.

މިކުންފުނީގެ ކަރަންޓުގެ ވިއުގައިގައި ހިމެނޭ ލޯ-ވޯލްޓޭޖް ކޭބަލަކަށް ގެއްލުންވެ، ތޮއިބާ މިސްކިތް ހުންނަ ސަރަހައްދުން މިވަގުތު ވަނީ ކަރަންޓުގެ ހިދުމަތް މެދުކެނޑިފައި. ކޭބަލަށް ދިމާވި މައްސަލަ ދެނަގަނެ ވީއެންމެ އަވަހަކަށް އެމައްސަލަ ހައްލުކޮށް، އަލުން ކަރަންޓުގެ ހިދުމަތް ދިނުމަށް…

— STELCO (@STELCOMALDIVES) December 8, 2025