މޯލްޑިވިއަނުން މަޑިވަރަށް ކުރާ ދަތުރުތައް އިތުރުކުރުމަށް ނިންމައިފި

ޤައުމީ އެއާރލައިން، މޯލްޑިވިއަނުން ފާދިއްޕޮޅު މަޑިވަރަށް ކުރާ ދަތުރުތައް އިތުރުކުރުމަށް ނިންމައިފިއެވެ.

މޯލްޑިވިއަނުން ހާމަކޮށްފައިވާ ގޮތުގައި، އެ އެއާރލައިނުން ވަނީ މި މަހުގެ 22ވަނަ ދުވަހުން ފެށިގެން ކޮންމެ ހަފްތާއަކު މަޑިވަރަށް ކުރާ ދަތުރުތަކުގެ އަދަދު 3އަށް އިތުރު ކުރުމަށެވެ. 

އެގޮތުން ޑިސެންބަރު 22އިން ފެށިގެން ބުދަ ދުވަހާއި ހޮނިހިރު ދުވަހުގެ އިތުރުން، ކޮންމެ ހޯމަ ދުވަހެއްގައި ވެސް މަޑިވަރަށް ދަތުރުތައް ބޭއްވުމަށް ވަނީ ނިންމާފައެވެ.

މޯލްޑިވިއަނުން އިތުރަށް ހާމަކޮށްފައިވާ ގޮތުގައި، މަޑިވަރަށް ދިއުމުގެ އެއްކޮޅު ޓިކެޓެއްގެ އަގު ފެށެނީ 799 ރުފިޔާއިންނެވެ.

More days, more ways to fly. ✈️

Our Malé–Madivaru route now operates every Monday, Wednesday and Saturday, giving you even more choice to explore and enjoy the journey.

Book your seats from MVR 799 one way.#Maldivianaero pic.twitter.com/UXi7IDW8l3

— MaldivianAero (@MaldivianAero) December 8, 2025

ވައިގެ މަގުން ދިވެހިރާއްޖެ ގުޅުވާލުމަށް މޯލްޑިވިއަނުން ކުރަމުންދާ މަސައްކަތްތަކުގެ ތެރެއިން، މި އަންނަ މަހު ނ. އަތޮޅު ވެލިދޫއަށް ސީޕްލޭން ދަތުރުތައް ފެށުމަށް ވެސް ވަނީ ނިންމާފައެވެ. އެގޮތުން ވެލިދޫއަށް ދަތުރުތައް ފެށުމަށް ނިންމާފައިވަނީ އަންނަ ޖެނުއަރީ މަހުގެ 23ވަނަ ދުވަހުން ފެށިގެންނެވެ. އަދި މޯލްޑިވިއަނުން ހާމަކޮށްފައިވާ ގޮތުގައި، އެ ރަށަށް ކޮންމެ ހަފްތާއެއްގެ ބުދަ ދުވަހާއި ހުކުރު ދުވަހު ޝެޑިއުލް ދަތުރުތައް އޮންނާނެއެވެ.