މަސްވެރީންގެ ދުވަހުގެ މުނާސަބަތުގައި ރައީސުލްޖުމްހޫރިއްޔާގެ އަނބިކަނބަލުން ތަހުނިޔާ ފޮނުއްވައިފި

އަދު (10 ޑިސެންބަރުގައި) ޤައުމީ ފެންވަރުގައި ފާހަގަކުރާ މަސްވެރީންގެ ދުވަހުގެ މުނާސަބަތުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަނބިކަނބަލުން، ސާޖިދާ މުޙައްމަދު ތަހުނިޔާ ވިދާޅުވެއްޖެއެވެ.

މީސްމީޑިއާގައި އެ ކަމަނާ ލިޔުއްވި ޕޯސްޓެއްގައި، ދިވެހި މަސްވެރީންގެ ހީވާގިކަމާއި، ކެރުންތެރިކަމާއި، ހިތްވަރަށް ސާބަސް ދެއްވައި، މަސްވެރީންގެ ދުވަހުގެ ތަހުނިޔާއާއި ހެޔޮއެދުންތައް ވަނީ ފޮނުއްވާފައެވެ. އަދި ހަމަ އެހެންމެ، މަސްވެރިކަމުގެ ޞިނާޢަތް ތިޔާގިކުރައްވައި، އެ ޞިނާޢަތުގެ މަންފާ އިތުރުކޮށްދެއްވުމަށް އެ ކަމަނާ ވަނީ ދުޢާކުރައްވާފައެވެ.

ދިވެހި މަސްވެރިންގެ ހީވާގިކަމާއި ކެރުމާއި ހިތްވަރަށް އައްސަރިބަހާއި ސާބަސް ތަކުރާރު ކުރަމުން، މި އުފާވެރި ދުވަހުގެ ތަހުނިޔާ އަރިސްކުރަން.

މަސްވެރިކަމުގެ ޞިނާޢަތަށް ތިޔާގިކަމާއި މަންފާ އިތުރުކޮށް ދެއްވާށި. އާމީން pic.twitter.com/DdvXVgCniQ

— First Lady Sajidha Mohamed (@sajidhaamohamed) December 10, 2025

ކޮންމެ އަހަރެއްގެ ޑިސެންބަރު މަހުގެ 10ވަނަ ރާއްޖޭގައި މަސްވެރީންގެ ދުވަހުގެ ގޮތުގައި ފާހަގަކުރާއިރު، މި އަހަރުގެ މަސްވެރީންގެ ދުވަސް ރަސްމީކޮށް ފާހަގަކުރަނީ ރ. އަތޮޅު ދުވާފަރުގައެވެ.