އިޒްރާއިލް ޕާސްޕޯޓު މަނާކުރުމުގެ މައްސަލަ 241 ކޮމިޓީއަށް އެޖެންޑާކޮށްފި!

އިޒްރާއިލް ޕާސްޕޯޓު މަނާކުރުމުގެ މައްސަލަ 241 ކޮމިޓީއަށް އެޖެންޑާކޮށްފިއެވެ.

އިޒްރާއީލް ޕާސްޕޯޓް މަޖިލީހުގެ ސަލާމަތީ ޚިދުމަތްތަކާބެހޭ ކޮމިޓީއަށް އެޖެންޑާކުރިކަން މީޑިއާ އަށް ހާމަކުރައްވައިފައިވަނީ އެކޮމިޓީގެ މުގައްރިރުގެ ނައިބު އިނގުރައިދޫ ދާއިރާގެ މެމްބަރު އިބްރާހިމް ފަލާޙެވެ.

ފަލާޙް ވިދާޅުވީ އިޒްރާއީލް ޕާސްޕޯޓް މަނާކުރުމުގެ މައްސަލަ 241 ކޮމިޓީއަށް މިއަދު އެޖެންޑާކޮށްފައިވާކަމަށެވެ.

މަޖިލީހުގެ ސަލާމަތީ ޚިދުމަތްތަކާބެހޭ ކޮމިޓީއަށް އިޒްރާއީލް ޕާސްޕޯޓް މަނާކުރުމާ ބެހޭ މައްސަލަ އެޖެންޑާކޮށްފައިވާއިރު، އިޒްރާއީލް ޕާސްޕޯޓް މަނާކުރުން އަވަސްކުރުމަށް ވެރިކަން ހިންގާ އެންމެބޮޑު ޕާޓީ، ޕީޕަލްސް ނޭޝަނަލް ކޮންގްރެސް (ޕީއެންސީ) އިން ގޮވައިލައިފައިވާކަން ފާހަގަކޮށްލަން ޖެހެއެވެ. 

ޕީއެންސީން ބުނީ ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ނިންމަވާފައިވާ ގޮތަށް، އިޒްރާއީލް ޕާސްޕޯޓްގައި ރާއްޖެއަށް ނުވަދެވޭގޮތަށް އިމިގްރޭޝަން ޤާނޫނަށް ގެންނަންޖެހޭ ބަދަލުތައް ގެނައުމަށް އެޕާޓީން ތާއީދުކުރާ ކަމަށެވެ.

އިޒްރާއިލް ޕާސްޕޯޓު މަނާކުރުން ލަސްވެފައިވާތީ ގިނަ ފަރާތްތަކަކުން އަންނަނީ އެކަން ކުށްވެރިކުރަމުންނެވެ. އަދި އިޒްރާއިލް ޕާސްޕޯޓު މަނާކުރުން އަވަސްކުރަން ދަނީ ގިނަ ބަޔަކު ގޮވައިލަމުންނެވެ.