ސެކިޔުރިޓީ ފީޗާ ހިމެނޭ ގޮތައް ޑޮޮމެއިން ނަންބަރު ވިއްކާ ޤަވާއިދު ނެރެފި!

ސެކިޔުރިޓީ ފީޗާ ހިމެނޭ ގޮތައް ޑޮމެއިން ނަންބަރުތައް ވިއްކާ ޤަވާއިދު ނެރެފިއެވެ.

ދަތުރުފަތުރާ މަދަނީ އުދުހުންތަކާ ބެހޭ ވުޒާރާއިން  ޢާންމުކުރި އެއްގަމު އުޅަނދުގައި ޑޮމެއިން ބޭނުންކުރުމުގެ ޤަވާއިދުގައިވާ ގޮތުން، މިހާރު ދޫކޮށްފައިވާ ޑޮމެއިން ނަމްބަރުތައް އަލުން ރަޖިސްޓްރީކޮށް ފައިސާ ދައްކަން ދެ މަސް ދުވަސް ލިބޭނެ އެވެ.

ޑޮމެއިންގެ ރަޖިސްޓްރީ ލިޔުމާއި ޑޮމެއިން ބޭނުން ކުރުމުގެ ހުއްދަތައް ސެކިއުރިޓީ ފީޗާ ހިމެނޭ ޑޮމެއިންނަށް ބަދަލުކުރަން ތިން މަސް ދުވަހުގެ މުއްދަތެއް ދީފައިވާއިރު، އޭގެ ފަހުން ބޭނުންކުރާ ޑޮމެއިން ރަޖިސްޓްރީ އާއި ހުއްދަތައް ބަލައި ނުގަންނަނާނެކަމަށް ޤަވާއިދުގައިވެއެވެ.

ޑޮމެއިން ނަމްބަރެއްގެ މައްސަލަ ހައްލު ކުރުމަށް އެކުލަވާލާފައިވާ ކޮމެޓީގައި މީގެ ކުރިން ތިން މެމްބަރުން ތިބި ނަމަވެސް، މިހާރު އެ ކޮމެޓީގައި ތިބޭނީ ހަތް މެމްބަރުން ކަމަށާއި މައްސަލަ ނިންމޭނީ އޭގެ ތެރެއިން ހަތަރު މެމްބަރުން އެއް ގޮތަކަށް އިއްތިފާޤުވެގެން ކަމަށް ވެސް އިސްލާޙުގައިވެއެވެ.

މި ކޮމިޓީއަށް ބޭނުންކުރަމުންދާ ޑޮމެއިންއަކީ ޤާނޫނާއި އެގޮތަށް ދީފައިވާ ސައްޙަ ޑޮމެއިނެއްކަމަށް ކަނޑައެޅުމާއި ޤަވާއިދުތަކާ އެއްގޮތަށް ދީފައިވާ ސައްޙަ ޑޮމެއިނެއް ނޫންކަމުގައި ކަނޑައެޅުމާއެކު އެ ޑޮމެއިނަކީ ބާޠިލު ޑޮމެއިނެއްކަމަށް ނިންމުގެ ބާރު ލިބިގެންވެއެވެ.

މީގެ އިތުރުންވެސް، މި ޤަވާއިދު ބުނާގޮތުން، ޑޮމެއިން ނަމްބަރެއް ރަޖިސްޓްރީ ކޮށްދެނީ ކުރިން ވެސް އޮތް އުސޫލާއި އެއްގޮތަށް 500 ރުފިޔާއަށެވެ. އަދި ނީލަމުގެ އުސޫލުން ޑޮމެއިނެއްގެ އަގަކީ 50،000 ރުފިޔާއާއި 100،000 ރުފިޔާއާ ދެމެދެވެ.

މި ޤަވާއިދުގައި ބުނާގޮތުން ޑޮމެއިން ބޭނުންކުރުމުގެ ހުއްދަ ދުއްވާ މީހާގެ އަތުގައި އޮތުން ކަމުގައި ވާނީ ވުޒާރާއިން ދޫކުރާ ލިޔުން ނުވަތަ ކިއު އާރު ކޯޑު ސްކޭންކުރެވޭނެ ފަދަ ކޮޕީއެއް ނުވަތަ ރަސްމީ ޕޯޓަލެއްގެ ތެރެއިން ފެންނަން އޮންނަ އޮތްނަމައެވެ.