މިސަރުކާރުން މިހާތަނަށް 4،728 ބިދޭސީއަކު ޑިޕޯޓުކޮށްފި!

މިސަރުކާރުން މިހާތަނަށް ޤަވާއިދާ ޚިލާފުވި 4،728 ބިދޭސީއަކު ޑިޕޯޓުކޮށްފައިވާ ކަމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވިދާޅުވެއްޖެއެވެ. 

ޖުމްހޫރީ ދުވަހުގެ މުނާސަބަތުގައި ބޭއްވި ޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވިދާޅުވީ ޤަވާއިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލައަށް ދާއިމީ ހައްލެއް ހޯދުމަށް މުޅި ރާއްޖޭގައި ފެށި "އޮޕަރޭޝަން ކުރަނގި" އޮޕަރޭޝަންގައި މިހާތަނަށް 10،000 ބިދޭސީންގެ މަޢުލޫމާތު އެއްކޮށްފައިވާ ކަމަށާއި، 4،700 އަށްވުރެ ގިނަ ބިދޭސީން ޑީޕޯޓްކޮށްލާފައިވާ ކަމަށެވެ.

ބިދޭސީ މަސައްކަތްތެރިން ހޯދައި، އެ މީހުން ބޭރަށް ފޮނުވާލުމާއި ސިސްޓަމަށް ވެއްދުމުގެ މަސައްކަތުގެ ތެރެއިން މިހާތަނަށް 136 ޓީމްތައް މަސައްކަތްކޮށް، ނުޤަވާއިދުން އުޅޭ 10،000 އަށްވުރެ ގިނަ ބިދޭސީންގެ މަޢުލޫމާތު އެއްކޮށްފައިވާ ކަމަށެވެ.

ރައީސް މުޢިއްޒު ވިދާޅުވީ އަންނަ އަހަރުގެ އޭޕްރިލް މަސް ނިމެންވާއިރަށް މިގޮތަށް އުޅޭ ހުރިހާ އެންްމެންގެ ބަޔޮމެޓްރިކް ނަގާ ނިމޭނެ ކަމަށެވެ. 

ރައީސް މުޢިއްޒު ވިދާޅުވީ އެމަނިކުފާނު އެދިވަޑައިގަންނަވަނީ  މި މައްސަލައަށް ދާއިމީ ހައްލެއް ގެންނަން ކަމަށާއި، އެހެން ނޫނިއްޔާ ހަޤީޤަތުގައި އެތެރެއިން އަންނަ މިނިވަންކަމަށް އަންނަ ބުރުލަކަށްވެސް މިކަންވެގެން ހިނގައިދާނެކަމަށެވެ. 

އަދި ބިދޭސީން ދައްކަން ހުރި އެކި ފީތަކަށްވެސް 1 ބިލިއަނަށް ވުރެ ގިނަ ރުފިޔާ ހޯދާފައިވާ ކަމަށް ރައީސް ވިދާޅުވިއެވެ.