ވ އަތޮޅުގައި އޮތް ސަފާރީއެއްގައި ރޯވެގެން ސިފައިން ހަރަކާތްތެރިވާން ފަށައިފި

ވ އަތޮޅުގައި އޮތް ސަފާރީއެއްގައި ރޯވެގެން މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް)ގެ ފަޔަރ އެންޑް ރެސްކިއު ސާރވިސަސްއިން ހަރަކާތްތެރިވާން ފަށައިފިއެވެ.

ވ އަތޮޅަކީ ވަރަށް ފުޅާ ދާއިރާއެއްގައި ރަށު ފަތުރުވެރިކަމުގެ ވިޔަފާރި ކުރަމުން އަންނަ ރަށެކެވެ.  

އެ އަތޮޅުގެ ކުޑަ އަންބަރާ ކައިރީގައި އޮތް މި ސަފާރީގެ ނަމަކީ "ޔަސާވާ ޕްރިންސަސް"އެވެ. 

މި ހާދިސާއާ ގުޅޭ އިތުރު ތަފްސީލެއް އެމްއެންޑީއެފްއިން މިހާތަނަށް ހާމަކޮށްފައެއް ނުވެއެވެ. 

ރޯވެފައިވާ އަލިފާންގަނޑު ފެންނަ ފޮޓޯއެއް އެމްއެންޑީއެފްއިން ޙިއްޞާކޮށްފައި ވާއިރު، އެ ފޮޓޯއިން ފެންނަ ގޮތުގައި އަލިފާންގަނޑު ބޮޑަށް ހިފާފައި ވަނީ ކޮންޓްރޯލް ރޫމްގައެވެ.