މާއެނބޫދޫ ބިން ހިއްކުމުގެ މަޝްރޫޢުގެ ތެރެއިން ބައުންޑު ވޯލްގެ ބޮޑު ބައެއް ނިމިއްޖެ

ދ. މާއެނބޫދޫ ބިން ހިއްކުމުގެ މަޝްރޫޢުގެ ތެރެއިން ބައުންޑު ވޯލްގެ %45ގެ މަސައްކަތް ނިމިފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އިން ހާމަކޮށްފިއެވެ. 

މި މަޝްރޫޢަކީ2023ވަނަ އަހަރު ސަރުކާރުން އެމްޓީސީސީއާ ހަވާލުކޮށްފައިވާ މަޝްރޫޢެކެވެ. ނަމަވެސް މަޝްރޫޢުގެ ޢަމަލީ މަސައްކަތް ފަށާފައި ވަނީ މި އަހަރުގެ ފެބްރުއަރީ މަހު ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މާއެނބޫދޫއަށް ކުރެއްވި ދަތުރުފުޅަށް ފަހުއެވެ. 

އެ ދަތުރުފުޅުގައި ރައީސުލްޖުމްހޫރިއްޔާ ވަނީ، މިހާރު ހިއްކަން ނިންމާފައިވާ 15 ހެކްޓަރު، 30 ހެކްޓަރަށް އިތުރުކޮށްދެއްވާނެކަމަށް ވިދާޅުވެފައެވެ. އަދި ރައްޔިތުން ބޭނުންވާނަމަ، 2 ހެކްޓަރުގެ ބިން ވަކި ރަށެއްގެ ގޮތުގައި ހިއްކައިދޭނެކަމަށްވެސް ވިދާޅުވިއެވެ.

Project Update: Design and Build of Dredging and Reclamation of Dh.Maaenboodhoo

Sand bund works is currently ongoing at the site with 45% progress.

Follow more updates at: https://t.co/SfVAzkW2pp#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/lpzY8R4psz

— MTCC Plc (@MTCCPlc) December 24, 2025

މި މަޝްރޫޢުގެ ދަށުން އެމްޓީސީސީއާ ހަވާލުކޮށްފައިވަނީ ރަށަށް 15 ހެކްޓަރުގެ ބިން އިތުރުކުރުމުގެ މަސައްކަތެވެ. މިއީ 76.76 މިލިޔަން ރުފިޔާއަށް އެ ކުންފުންޏާ ހަވާލުކޮށްފައިވާ މަސައްކަތެކެވެ.

މާއެނބޫދޫއަކީ ހާހެއްހާ މީހުންގެ އާބާދީއެއް އޮންނަ ރަށެކެވެ. އެ ރަށުގެ ބިމުގެ ބޮޑުމިނުގައި 30 ހެކްޓަރުގެ ބިން އޮންނައިރު، ރަށުގެ ބިން ވަނީ ވަރަށް ބޮޑަށް ފުރިފައެވެ. އެހެންކަމުން އިތުރަށް ގެދޮރު ދޫކުރުމަށާއި، އިޤްތިޞާދީ މަސައްކަތްތައް ރަށުގައި ހިންގުމަށްވެސް ބިމުގެ ދަތިކަން އޮތީ އިންތިހާއަށް ބޮޑުވެފައެވެ.