ވީއައިއޭގެ އައު ޓީމިނަލުން 'އެއިރޯފްލޮޓް' އަށް ޚިދުމަތް ދޭން ފަށައިފި

ވެލާނާ އިންޓަނޭޝަނަލް އެއަރޕޯޓް (ވީއައިއޭ) ގެ އައު ފަސިންޖަރު ޓާމިނަލުން ރަޝިއާގެ އެންމެ ބޮޑު އެއަރލައިން 'އެއިރޯފްލޮޓް' އަށް ވެސް ޚިދުމަތް ދޭން ފަށައިފި އެވެ.

ވީއައިއޭ ގެ އައު ފަސިންޖަރު ޓާމިނަލް (ޓާމިނަލް 1) އިން އެއިރޯފްލޮޓް އަށް ޚިދުމަތް ދޭން ފެށުން ފާހަގަކުރުމަށް ވަނީ ޚާއްޞަ ރަސްމިއްޔާތެއް ބާއްވައިފައެވެ. މި ރަސްމިއްޔާތުގައި ޝަރަފްވެރިކޮށްދެވީ ރައީސުލްޖުމްހޫރިއްޔާގެ ސިޔާސަތާއި ވަޢުދުތަކާ ބެހޭ ޕްރިންސިޕަލް ސެކްރެޓަރީ ޙުސައިން ފަހުމީ އެވެ. މި ރަސްމިއްޔާތުގައި އެއިރޯފްލޮޓް އިން ރާއްޖެއަށް ކަނޑައަޅާފައި ހުންނަ ޖެނެރަލް މެނޭޖަރު އެވްގެނީ ރަޓުޝްނީ އާއި، އެމްއޭސީއެލްގެ ސީއީއޯ އަދި އެމްޑީ އިބްރާހީމް ޝަރީފް މުޙައްމަދާއި، އެމްއޭސީއެލްގެ އެކްސްކޯ މެންބަރުންނާއި، އަދި އޮފިޝަލުން ބައިވެރިވެވަޑައިގެންނެވިއެވެ.

މި ރަސްމިއްޔާތުގައި، އެއިރޯފްލޮޓްގެ ޗެކިން ކައުންޓަރުތައް ރަސްމީކޮށް ހުޅުވައި، އެ ފްލައިޓުތަކުން ދަތުރުކުރި ފަސިންޖަރުންނަށް ވަނީ ހަދިޔާ ދީފައެވެ. ހަމަ އެހެންމެ، ޓާމިނަލް 1 އާ ކައިރި ކުރި އެއިރޯފްލޮޓްގެ ފުރަތަމަ ފްލައިޓް އިން ރާއްޖެ އައި ފަސިންޖަރުންނަށް  ވަނީ ސަޤާފީ އެކި ހަރަކާތްތަކާއެކު ހޫނު މަރުހަބާއެއް ކިޔައިފައެވެ. މިއީ، ޓަރމިނަލުގައި އަލަށް ޚިދުމަތް ފަށާ ހުރިހާ އެއަރލައިންތަކަށް ވެސް އެމްއޭސީއެލުން ކުރިއަށް ގެންދާ ޙަކަރާތެއްކަން ފާހަގަކޮށްލެވެއެވެ.

އެއިރޯފްލޮޓް އަކީ، ވީއައިއޭގެ އައު ޓާމިނަލުން ޚިދުމަތް ދޭން ފެށި 39 ވަނަ އެއާލައިނަށް ވާއިރު، އެމްއޭސީއެލްގެ އަމާޒަކީ ކުރިއަށް އޮތް ދުވަސްތަކުގައި މި ޚިދުމަތް އިތުރު އެއަރލައިންތަކަށް ފުޅާކުރުމެވެ.

The arrival of Aeroflot’s inaugural flight at Terminal 1 was marked with a ceremonial water salute. Arriving passengers were warmly welcomed by the Principal Secretary to the President on Policy and Manifesto, Hussain Fahmy, Aeroflot General Manager for the Maldives, Evgeny… pic.twitter.com/nmT7ES9ZVz

— Maldives Airports Company Ltd (@MACLmedia) December 28, 2025