ދެބެއިންގެ ދެމެދުގައި ހިނގި މާރާމާރީއެއްގައި އެކަކު ޒަހަމްވެއްޖެ

ދެބެއިންގެ ދެމެދުގައި ހިނގި މާރާމާރީއެއްގައި އެކަކު ޒަހަމްވެއްޖެއެވެ. 

މި ހާދިސާގެ ރިޕޯޓު ފުލުހުންނަށް ލިބިފައިވަނީ ހޯމަ ދުވަހުގެ އިރުއޮއްސި 18:40 ހާއިރެވެ.

މި ހާދިސާގައި އަނިޔާވި މީހާއަށް ތޫނު އެއްޗަކުން ހަމަލާ ދީފައިވުމުގެ ސަބަބުން އޭނާއަށް ދަނީ ހޮސްޕިޓަލުގައި ފަރުވާދެމުންނެވެ.

ފުލުހުން ހާމަކޮށްފައިވާ ގޮތުގައި މި މައްސަލައިގައި 28 އަހަރުގެ ފިރިހެނަކު ވަނީ ހައްޔަރުކޮށްފައެވެ. 

ފުލުހުން ދަނީ މި މައްސަލަ ތަޙުޤީޤުކުރަމުންނެވެ.